|
|
 |
| (GMT+08:00)
2008-05-22 18:31:26
|
 |
|
ຜູ້ນຳຂອງປະເທດຕ່າງໆໄວ້ອາໄລເຖິງຜູ້ເສຍຊີວິດໃນໄພແຜ່ນດິນໄຫວ
cri
Author: cai
ຕາມຂ່າວCRI:ນັບແຕ່ວັນທີ 21 ຫາວັນທີ 22 ພຶດສະພານີ້,ໄດ້ມີຜູ້ນຳປະເທດອີກຈຳນວນໜຶ່ງໄປສະຖານທູດຫຼືສະຖານກົງສູນຈີນໄວ້ອາໄລເຖິງຜູ້ເສຍຊີວິດໃນໄພແຜ່ນດິນໄຫວຮ້າຍແຮງທີ່ເກີດຂຶ້ນຢູ່ເມືອງເວິ້ນຊ່ວນແຂວງເສສວນຈີນ.
ວັນທີ 22 ພຶດສະພານີ້,ທ່ານມານູນ ວີລາ ປະທານສະພາສູງຟີລິບປິນໄດ້ໄປສະຖານທູດຈີນປະຈຳຟີລິບປິນທີ່ຢູ່ນະຄອນຫຼວງມານີລາ,ໄວ້ອາໄລເຖິງຜູ້ເສຍຊີວິດໃນແຜ່ນດິນໄຫວຮ້າຍແຮງເມືອງເວິ້ນຊ່ວນແຂວງເສສວນ.
ວັນທີ 21 ພຶດສະພານີ້,ຢູ່ສະຖານທູດຈີນປະຈຳກູບາ,ທ່ານຣອນ ກັສໂຕຼ ປະທານສະພາແຫ່ງລັດກູບາໄດ້ຢືນສະຫງົບນີ້ງກົ້ມຫົວໄວ້ອາໄລເຖິງຜູ້ເສຍຊີວິດໃນແຜ່ນດິນໄຫວຮ້າຍແຮງເມືອງເວິ້ນຊ່ວນ.ຫຼັງຈາກນັ້ນ,ທ່ານໄດ້ຂຽນຄຳເຫັນໃນປື້ມໄວ້ອາໄລ,ທ່ານຂຽນວ່າ,ສະແດງຄວາມໄວ້ອາໄລຢ່າງເລິກເຊິ່ງຕໍ່ຜູ້ເສຍຊີວິດໃນແຜ່ນດິນໄຫວຮ້າຍແຮງເມືອງເວິ້ນຊ່ວນ,ແລະໃນນາມປະຊາຊົນກູບາແລະສະຫາຍຟີເດນ ກັສໂຕຼ,ສະແດງຄວາມເຫັນໃຈຢ່າງຈິງໃຈຕໍ່ຄອບຄົວຜູ້ເສຍຊີວິດ ປະຊາຊົນຈີນ ພັກກອມມູນິດຈີນແລະລັດຖະບານຈີນ.
ວັນທີ 21 ພຶດສະພານີ້,ປະທານາທິບໍດີນີເຊຣີ ລັດຖະມົນຕີວ່າການກະຊວງການຕ່າງປະເທດອິສລັງ ນາຍົກລັດຖະມົນຕີຮົງກາລີ ນາຍົກລັດຖະມົນຕີເຊັກແລະຮອງປະທານາທິບໍດີແບຼຊີນກໍ່ໄດ້ໄປສະຖານທູດຈີນປະຈຳປະເທດເຫຼົ່ານີ້ໄວ້ອາໄລເຖິງຜູ້ເສຍຊີວິດໃນແຜ່ນດິນໄຫວຮ້າຍແຮງເມືອງເວິ້ນຊ່ວນ.
|
|
|
