|
ຈີນເພີ່ມທະວີການຕິດຕາມຄຸ້ມຄອງເງິນແລະເຄື່ອງຊ່ອຍເຫຼືອກູ້ໄພແຜ່ນດິນໄຫວ
cri
ຕາມຂ່າວສານຊິ່ນຮວາ: ວັນທີ 22 ພຶດສະພານີ້, ກະຊວງການເງິນຈີນໄດ້ມີແຈ້ງການດ່ວນ, ຮຽກຮ້ອງໃຫ້ພາກສ່ວນການເງິນຂັ້ນຕ່າງໆເພີ່ມທະວີການຕິດຕາມຄຸ້ມຄອງເງິນແລະເຄື່ອງຊ່ອຍເຫຼືອກູ້ໄພແຜ່ນດິນໄຫວ, ຮັບປະກັນໃຫ້ວຽກງານກູ້ໄພແຜ່ນດິນໄຫວຕ່າງໆດຳເນີນໄປຢ່າງມີລະບຽບແລະບັງເກີດຜົນ.
ກະຊວງການເງິນຮຽກຮ້ອງໃຫ້ພາກສ່ວນການເງິນຂັ້ນຕ່າງໆເພີ່ມງົບປະມານ, ຕັ້ງໜ້າເຕົ້າໂຮມເງິນທຶນ, ເພື່ອຮັບປະກັນຊີວິດການເປັນຢູ່ລະດັບພື້ນຖານຂອງປະຊາຊົນປະສົບໄພ, ຟື້ນຟູການຜະລິດ, ສ້າງບ້ານແປງເມືອງຄືນໃໝ່ໂດຍໄວ, ຕ້ອງແຈກຢາຍແລະນຳໃຊ້ເງິນໃຫ້ສົມເຫດສົມຜົນ, ຈັດວາງການປິ່ນປົວແລະການຍົກຍ້າຍປະຊາຊົນທີ່ດຳລົງຊີວິດຫຍຸ້ງຍາກຍ້ອນປະສົບໄພກ່ອນໝູ່, ປິ່ນປົວຜູ້ບາດເຈັບ, ກັນພະຍາດແລະຊຳລະຜູ້ເສຍຊີວິດໃຫ້ດີ.
ຕາມບົດລາຍງານຂອງກະຊວງການປົກຄອງແລະປະຊາສົງເຄາະ, ນັບມາຮອດ 12 ໂມງວັນທີ 22 ພຶດສະພານີ້, ໄດ້ຮັບເງິນບໍລິຈາກພາຍໃນແລະຕ່າງປະເທດ 21 ຕື້ 416 ລ້ານຢວນ.
|
|
