|
ຮອງເຈົ້າແຂວງເສສວນຈີນກ່າວວ່າ, ວຽກງານກູ້ໄພແຜ່ນດິນໄຫວຈະດຳເນີນໄປຢ່າງມີລະບຽບແລະປະສິດທິພາບສູງ
cri
ຕາມຂ່າວ CRI: ວັນທີ 23 ພຶດສະພານີ້, ໃນກອງປະຊຸມຖະແຫຼງຂ່າວທີ່ຈັດໂດຍຫ້ອງການຖະແຫຼງຂ່າວຂອງລັດຖະບານ, ທ່ານຫຼີເຊີງຢຸນ ຮອງເຈົ້າແຂວງແຂວງເສສວນຈີນກ່າວວ່າ, ວຽກງານກູ້ໄພແຜ່ນດິນໄຫວຂອງແຂວງເສສວນຈະສືບຕໍ່ດຳເນີນໄປຢ່າງມີລະບຽບແລະປະສິດທິພາບສູງ.
ທ່ານຫຼີເຊີງຢຸນ ກ່າວວ່າ, ພາກສ່ວນທີ່ກ່ຽວຂ້ອງຈະສືບຕໍ່ອອກແຮງສຸດຂີດກອບກູ້ຜູ້ລອດຊີວິດ, ຫັນຈາກການກູ້ຊີວິດຄົນໃນຊາກອາຄານໄປເປັນການກູ້ຊີວິດຂອງຜູ້ໄດ້ຮັບບາດເຈັບໃນເວລາເໝາະສົມ, ຮີຍຮ້ອນຍ້າຍຜູ້ບາດເຈັບຈຳນວນໜຶ່ງໄປແຂວງແລະເມືອງອື່ນໆ, ພ້ອມກັນນັ້ນ, ກໍ່ຈັດສັນປະຊາຊົນປະສົບໄພ, ຮັບປະກັນໃຫ້ປະຊາຊົນຢູ່ເຂດປະສົບໄພມີອາຫານກິນ, ມີນ້ຳສະອາດດື່ມ, ພະຍາຍາມສະໜອງບ່ອນຢູ່ຊົ່ວຄາວທີ່ປອດໄພ, ໃຊ້ສະດວກໃຫ້ປະຊາຊົນເຂດປະສົບໄພ 98% ພາຍໃນໜຶ່ງເດືອນ.
ທ່ານຫຼີເຊີງຢຸນ ຍັງກ່າວວ່າ, ແຂວງເສສວນຈະເພີ່ມທະວີການກັນພະຍາດ, ຮີບຮ້ອນຟື້ນຟູພື້ນຖານໂຄງລ່າງ, ຕັ້ງໜ້າກຽມການສ້າງສາຄືນໃໝ່ຫຼັງໄພ, ທຳຄວາມພະຍາຍາມສຸດຂີດຊຸກຍູ້ການພັດທະນາເສດຖະກິດສັງຄົມ.
|
|
