|
|
 |
| (GMT+08:00)
2008-05-23 18:30:49
|
 |
|
ທ່ານຫູຈິນທ່າວກວດກາການຜະລິດຕູບຜ້າເຕັ້ນຊ່ວຍກູ້ໄພແຜ່ນດິນໄຫວຢູ່ນະຄອນຫູໂຈ່ວແຂວງເຈີ້ຈ່ຽງ
cri
Author: shuo
|
ຕາມຂ່າວCRI:ວັນທີ22ພຶດສະພານີ້,ທ່ານຫູຈິນທ່າວ ປະທານປະເທດຈີນໄດ້ເດີນທາງໄປນະຄອນຫູໂຈ່ວ ແຂວງເຈີ້ຈ່ຽງທາງພາກຕາເວັນອອກສຽງໃຕ້ຂອງຈີນ,ເພື່ອກວດກາການ ຜະລິດຕູບຜ້າເຕັ້ນເພື່ອຊ່ວຍກູ້ໄພແຜ່ນດິນໄຫວ,ແລະໄດ້ຮຽກໂຮມຜູ້ຮັບຜິດຊອບວິສາຫະກິດຜະລິດຕູບຜ້າເຕັ້ນຈຳນວນໜຶ່ງມາປຶກສາຫາລືກັນ,ກ່າວເນັ້ນວ່າ,ໂຮງງານແຫ່ງຕ່າງໆຕ້ອງຜະລິດສຸດຄວາມສາມາດ,ສຳເລັດວຽກງານຮັບດ່ວນເພື່ອຜະລິດຕູບຜ້າເຕັ້ນເພື່ອຊ່ວຍກູ້ໄພແຜ່ນດິນໄຫວນັ້ນຢ່າງມີຄຸນນະພາບສູງແລະປະສິດທິພາບສູງ.
ລັດຖະບານຈີນຮຽກຮ້ອງໃຫ້ສະໜອງຕູບຜ້າເຕັ້ນ9ແສນຜືນໃຫ້ແກ່ເຂດປະສົບໄພພາຍໃນເດືອນໜຶ່ງ,ແຂວງເຈີ້ຈ່ຽງແມ່ນແຂວງທີ່ມີໂຮງງານຜະລິດຕູບຜ້າເຕັ້ນຫຼາຍແລະຮັບຜິດ ຊອບໜ້າທີ່ຜະລິດຕູບຜ້າເຕັ້ນເພື່ອເຂດແຜ່ນດິນໄຫວໂດຍດ່ວນ.ທ່ານຫູຈິນທ່າວໄດ້ຢ້ຽມ ຢາມໂຮງງານຜະລິດເຄື່ອງໃຊ້ກາງແຈ້ງສອງແຫ່ງຂອງນະຄອນຫູໂຈ່ວ,ທ່ານບອກກຳ ມະກອນແລະພະນັກງານວ່າ,ການພະຍາຍາມຜະລິດຕູບຜ້າເຕັ້ນໃຫ້ຫຼາຍຂຶ້ນແມ່ນການສະໜັບສະໜູນທີ່ແຂງແຮງກວ່າໝູ່ຕໍ່ການກູ້ໄພແຜ່ນດິນໄຫວ.
|
|
|
