|
|
 |
| (GMT+08:00)
2008-05-23 19:23:14
|
 |
|
ເຈົ້າຊີວິດໄທອະນຸມັດການປັບປຸງລັດຖະບານ
cri
Author: cai
ຕາມຂ່າວສານຊີນຮວາ:ວັນທີ 23 ພຶດສະພານີ້,ພະບາດສົມເດັດພູມິພົນ ອະດຸນຍະເດດ ເຈົ້າຊີວິດໄທໄດ້ຊົງເຊັນລາດຊະໂອງການ,ອະນຸມັດໃຫ້ທ່ານຊະວະລັດ ຊານວີລະກູນທີ່ເປັນລັດຖະມົນຕີຊ່ວຍວ່າການກະຊວງສາທາລະນະສຸກມາເປັນລັດຖະມົນຕີວ່າການກະຊວງການພັດທະນາສັງຄົມແລະຄວາມໝັ້ນຄົງຂອງມະນຸດ,ໃຫ້ທ່ານວິໄຊ ມິນານໄຊຍະເປັນລັດຖະມົນຕີຊ່ວຍວ່າການກະຊວງສາທາລະນະສຸກ.
ນີ້ແມ່ນລັດຖະບານໄທຊຸດປະຈຸບັນເຊິ່ງມີທ່ານສະໝັກ ສຸນທໍລະເວດເປັນນາຍົກລັດຖະມົນຕີປັບປຸງລັດຖະບານຄັ້ງທຳອິດພາຍຫຼັງກຳອຳນາດ 3 ເດືອນກວ່າມານີ້.ໃນວັນທີ 8 ພຶດສະພານີ້,ທ່ານສຸທາ ຊັນແສງ ອະດີດລັດຖະມົນຕີວ່າການກະຊວງການພັດທະນາສັງຄົມແລະຄວາມໝັ້ນຄົງຂອງມະນຸດໄດ້ລາອອກຈາກລັດຖະບານປະສົມໂດຍອ້າງວ່າສຸຂະພາບບໍ່ດີ.
ຫວ່າງມໍ່ໆນີ້,ລັດຖະບານປະສົມເຊິ່ງມີທ່ານສະໝັກເປັນຫົວໜ້າທີ່ປະກອບດ້ວຍ 6 ພັກໄດ້ເກີດມີຄວາມຂັດແຍ້ງດ້ານການເມືອງບາງຂໍ້.ນັກວິເຄາະບາງຄົນເຫັນວ່າ,ໃນລັດຖະບານປະສົມ,ມີຕຳແໜ່ງສຳຄັນເຊັ່ນລັດຖະມົນຕີກະຊວງມະຫາດໄທ ລັດຖະມົນຕີປະຈຳສຳນັກນາຍົກລັດຖະມົນຕີເປັນຕົ້ນຈະປ່ຽນຄົນໃໝ່ໃນຫວ່າງມໍ່ໆນີ້.
|
|
|
