|
ເຈົ້າຫນ້າທີ່ກົມການຕິດຕາມຄວາມປອດໄພແຫ່ງຊາດຈີນກ່າວວ່າ ປັດຈຸບັນ ເຂດເກີດແຜ່ນດິນໄຫວບໍ່ມີເຫດການກະທັນຫັນອື່ນໆເກີດຂຶ້ນອີກ
cri
ຕາມຂ່າວ cri:ວັນທີ 24 ພຶດສະພານີ້ ຢູ່ປັກກິ່ງ, ທ່ານວາງເຕີເຊຍ ຮອງຫົວຫນ້າກົມໃຫຍ່ຕິດຕາມຄວາມປອດໄພດ້ານການຜະລິດແຫ່ງຊາດຈີນກ່າວວ່າ,ນັບມາຮອດປັດຈຸບັນ, ເຂດເກີດແຜ່ນດິນໄຫວຂອງແຂວງເສສວນຈີນບໍ່ໄດ້ເກີດເຫດການສຸກເສີນອື່ນໆອີກ.
ໃນກອງປະຊຸມຂ່າວທີ່ຫ້ອງການຖະແຫລງຂ່າວຄະນະລັດຖະບານຈີນຈັດຂຶ້ນໃນມື້ດຽວກັນ, ທ່ານວາງເຕີຊວຍກ່າວວ່າ, ກົມໃຫຍ່ຕິດຕາມຄວາມປອດໄພທາງການຜະລິດໄດ້ປະກາດແຈ້ງການດ່ວນກ່ຽວກັບການປ້ອງກັນບໍ່ໃຫ້ເຂດເກີດແຜ່ນດິນໄຫວເກີດເຫດການສຸກເສີນອື່ນໆອີກ,ຮຽກຮ້ອງໃຫ້ບໍ່ຖ່ານຫີນ ບໍ່ແຮ່ແລະວິສາຫະກິດຜະລິດຢາເຄມີທີ່ອັນຕະລາຍຕ່າງໆເຊົາ ຜະລິດແລະຖອນຫນີທັງຫມົດໃນທັນທີ.
ທ່ານວາງເຕີຊວຍກ່າວວ່າ, ນອກຈາກເຊົາການຜະລິດແລະຖອນຄົນອອກແລ້ວ, ກົມໃຫຍ່ຕິດຕາມກວດກາຄວາມປອດໄພທາງການຜະລິດນັ້ນຍັງໄດ້ເພີ່ມທະວີການຕິດຕາມຄວບຄຸມເຂດ ຂະແຫນງການແລະວິສາຫະກິດຈຸດຫນັກແລະບ່ອນອັນຕະລາຍທີ່ສຳຄັນ,ອັນໄດ້ກວດເຫັນຄວາມອັນຕະລາຍປະເພດຕ່າງໆທີ່ແອບແຝງຢູ່ດແລ້ວຫາວິທີແກ້ໄຂຈິ່ງບໍ່ໄດ້ເກີດເຫດການຮ້າຍແຮງຕ່າງໆ.
|
|
