|
|
 |
| (GMT+08:00)
2008-05-25 16:48:45
|
 |
|
ສື່ມວນຊົນຕ່າງປະເທດຍ້ອງຍໍປະຊາຊົນຈີນທີ່ສາມັກຄີກັນຕ້ານໄພແຜ່ນດິນໄຫວ
cri
ຕາມຂ່າວ cri: ໃນຫລາຍມື້ມານີ້,ສື່ມວນຊົນຕ່າງປະເທດໄດ້ຕີລາຄາຢ່າງຕັ້ງຫນ້າຕໍ່ວຽກງານກູ້ໄພແຜ່ນດິນໄຫວຂອງລັດຖະບານແລະປະຊາຊົນຈີນ.
ຫນັງສືພິມຫລຽນເຫີຈາວປ້າວຂອງສິງກະໂປສະບັບວັນທີ 23 ພຶດສະພານີ້ໄດ້ພິມບົດຄວາມຂອງນັກວິຈານ,ຊີ້ອອກວ່າ, ຜູ່ນຳຈີນບໍ່ພຽງແຕ່ເປັນຫ່ວງນຳປະຊາຊົນເລື້ອຍໆທໍ່ນັ້ນ, ຢູ່ຕໍ່ຫນ້າໄພພິບັດ,ຍັງນຳຫນ້າໄປຢື້ຢາມຖາມຂ່າວປະຊາຊົນເຂດປະສົບໄພ, ຊອກຮູ້ສະພາບໄພແຜ່ນດິນໄຫວ,ໄດ້ໃຫ້ຄວາມອົບອຸ່ນແລະຊ່ວຍເຫລືອປະຊາຊົນ, ຖືກໃຈປະຊາຊົນທີ່ສຸດ.
ວັນທີ 22 ພຶດສະພານີ້ ຂ່າວສານລອຍເຕີລາຍງານວ່າ, ຫລັງຈາກເຂດພາກຕາເວັນຕົກສຽງໃຕ້ຂອງຈີນເກີດແຜ່ນດິນໄຫວພຽງ 20 ນາທີ, ກອງທັບປົດປ່ອຍປະຊາຊົນຈີນກໍ່ໄດ້ນຳໃຊ້ກົນໄກຮັບມືສຸກເສີນທັນທີ,ແລະເລີ່ມເຕົ້າໂຮມກອງທັບ.ຊັ້ນຜູ່ນຳຂອງຈີນກໍ່ໃຫ້ເຫັນສະແດງໃຫ້ເຫັນຄວາມຕັດສິນໃຈ ດຳເນີນການກູ້ໄພຢ່າງຂະຫນາດໃຫຍ່ເກືອບໃນເວລາດຽວກັນ,ອັນໄດ້ຮັບເອົາຄວາມສະຫນັບສະຫນູນແລະຄວາມເຫັນໃຈຢ່າງບໍ່ເຄີຍມີມາກ່ອນ.
ວາລະສານເດຍໄຊດລາຍສັບປະດາຂອງເຢຍລະມັນສະບັບວັນທີ 22 ພຶດສະພານີ້ໄດ້ພິມບົດຄວາມ ຊີ້ອອກວ່າ, ຕັ້ງແຕ່ເກີດແຜ່ນດິນໄຫວເປັນຕົ້ນມາ, ປະຕິກິລິຍາຂອງປັກກິ່ງແມ່ນໄວກວ່າປະເທດອື່ນໆທີ່ເຄີຍເກີດໄພພິບັດຄ້າຍຄືກັນນີ້ຢ່າງຫລວງຫລາຍ.
|
|
|
