|
|
 |
| (GMT+08:00)
2008-05-25 16:49:54
|
|
ປະຊາຄົມໂລກສືບຕໍ່ໃຫ້ການຊ່ວຍເຫລືອແກ່ຈີນໃນການກູ້ໄພແຜ່ນດິນໄຫວ
cri
ຕາມຂ່າວ cri:ໃນຫລາຍມື້ມານີ້ ປະຊາຄົມໂລກໄດ້ສືບຕໍ່ໃຫ້ການຊ່ວຍເຫລືອແກ່ຈີນໃນການກູ້ໄພແຜ່ນດິນໄຫວເສສວນດ້ວຍຣູບການຕ່າງໆ.
ໂດຍຕອບສະຫນອງຄວາມຮຽກຮ້ອງຕ້ອງການດ່ວນຂອງສະພາກາແດງຈີນ,ວັນທີ 24 ພຶດສະພານີ້, ສະຫະພັນສະພາກາແດງແລະສະພາເຄິ່ງວົງເດືອນແດງສາກົນໄດ້ສັບຊ້ອນເອົາຕູບຜ້າເຕັ້ນ 1 ແສນຜືນຈາກສູນສະສົມເຄື່ອງກູ້ໄພຂອງອີຣານ ສະຫະລັດອາຣັບເອມີເລດ ໂຮນລັງ ແຟນລັງແລະການາດາ,ແລະຈະສົ່ງໄປເຖິງເຂດປະສົບໄພໃນໄວໆນີ້.
ວັນທີ 24 ພຶດສະພານີ້, ຕູບຜ້າເຕັ້ນ 6 ພັນຜືນທີ່ປາກີສະຖານບໍລິຈາກນັ້ນໄດ້ສົ່ງໄປຮອດຈີນຕໍ່ເນື່ອງກັນແລ້ວ.
ວັນທີ 24 ພຶດສະພານີ້ ກອງແພດຫມໍຂອງຝຣັ່ງທີ່ປະກອບດ້ວຍ 13 ຄົນໄດ້ອອກເດີນທາງຈາກປາຣີໄປປົວໃຫ້ຜູ່ຖືກບາດເຈັບໃນແຜ່ນດິນໄຫວຢູ່ເສສວນຈີນ.
ນອກນີ້, ຕູບຜ້າເຕັ້ນແລະເຄື່ອງຂອງຊ່ວຍເຫລືອອື່ນໆທີ່ອິນໂດເນເຊຍແລະສີລັງກາບໍລິຈາກໃຫ້ຈີນນັ້ນກໍ່ໄດ້ສົ່ງໄປຮອດເຂດປະສົບໄພແລ້ວ.
|
|
|
