|
|
 |
| (GMT+08:00)
2008-05-25 18:31:56
|
|
ໂຄງການຜະລິດລົດໄຟດ່ວນຂອງຈີນເລີ່ມສ້າງສາຢູ່ພາກຕາເວັນອອກສຽງເຫນືອຂອງຈີນ
cri
ຕາມຂ່າວສານຊີນຮວາ: ວັນທີ 25 ພຶດສະພານີ້ ໂຄງການຜະລິດລົດໄຟດ່ວນຂອງຈີນໄດ້ເລີ່ມກໍ່ສ້າງຢູ່ເມືອງຊາງຊຸ່ນແຂວງຈີລີນ ພາກຕາເວັນອອກສຽງເຫນືອຂອງຈີນ.
ໂຄງການນີ້ແມ່ນບໍລິສັດລົດໂດຍສານມີລາງຊາງຊຸ່ນຫຸ້ນສ່ວນຈຳກັດ ເປັນຜູ່ຮັບກໍ່ສ້າງ,ລວມທັງການສ້າງສູນທົດລອງກິດຈະການລົດໄຟດ່ວນ ຫ້ອງທົດລອງໂຄງການລວມໃນລະບົບລົດໄຟດ່ວນແຫ່ງຊາດແລະສ້າງແທ່ນຜະລິດລົດໄຟດ່ວນທີ່ມີຄວາມໄວ 350 ກິໂລແມັດຕໍ່ຊົ່ວໂມງ.ແຜນການນີ້ຈະລົງທຶນ 2 ຕື້ 8 ຮ້ອຍລ້ານຢວນ, ການກໍ່ສ້າງແບ່ງເປັນສາມໄລຍະ,ກະວ່າຈະສ້າງສຳເລັດໃນເດືອນຕຸລາປີ 2009.
ພາຍຫລັງໂຄງການນີ້ສ້າງສຳເລັດ ລ້ວ,ບໍລິສັດ ລົດໂດຍສານມີລາງຊາງຊຸ່ນຫຸ້ນສ່ວນຈຳກັດຈະມີຄວາມສາມາດຄົ້ນຄວ້າຜະລິດແລະທົດລອງລົດໄຟດ່ວນທີ່ມີຄວາມໄວ 350 ກິໂລແມັດຕໍ່ຊົ່ວໂມງ,ແລະມີຄວາມສາມາດຜະລິດລົດໄຟດ່ວນ 100 ຂະບວນຕໍ່ປີ,ເຕັກນິກຄົ້ນຄວ້າແລະຜະລິດຈະບັນລຸລະດັບນຳຫນ້າໃນໂລກ.
|
|
|
