|
|
 |
| (GMT+08:00)
2008-05-26 10:27:56
|
 |
|
ທ່ານຢາງເຈຊືເຂົ້າຮ່ວມກອງປະຊຸມສາກົນບໍລິຈາກຊ່ອຍເຫຼືອມຽນມາທີ່ປະສົບໄພພາຍຸ
cri
ຕາມຂ່າວCRI, ວັນທີ25ພຶດສະພານີ້, ກອງປະຊຸມສາກົນອາຊຽນ-ສະຫະປະຊາຊາດກ່ຽວກັບການບໍລິຈາກຊ່ອຍເຫຼືອມຽນມາທີ່ປະສົບໄພພາຍຸແຖບຮ້ອນໄດ້ຈັດຂຶ້ນຢູ່ຢາງກຸງແຫ່ງມຽນມາ. ທ່ານຢາງເຈຊື ລັດຖະມົນຕີວ່າການກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມແລະກ່າວຄຳປາໄສ.
ທ່ານຢາງເຈຊືກ່າວວ່າ, ປະຊາຄົມໂລກຄວນເຄົາລົບຄວາມປາຖະໜາຂອງມຽນມາຢ່າງເຕັມທີ, ພິຈາລະນາຄວາມຕ້ອງການຂອງລັດຖະບານແລະປະຊາຊົນມຽນມາ, ສືບຕໍ່ສະໜອງການຊ່ອຍເຫຼືອຕ່າງໆເພື່ອກູ້ໄພແລະສ້າງສາຄືນໃໝ່. ຈີນຕັ້ງໜ້າສະໜັບສະໜູນອາຊຽນແລະສະຫະປະຊາຊາດເສີມຂະຫຍາຍບົດບາດກູ້ໄພແລະສ້າງສາຄືນໃໝ່ຫຼັງເກີດຢູ່ມຽນມາ.
ທ່ານຢາງເຈຊືກ່າວວ່າ, ລັດຖະບານຈີນຕົກລົງຊ່ອຍເຫຼືອມຽນມາໂດຍດ່ວນອີກ10ລ້ານໂດລາ, ເພື່ອໃຊ້ເຂົ້າໃນການກູ້ໄພແລະສ້າງສາຄືນໃໝ່ຫຼັງໄພພິບັດ.
ມື້ດຽວກັນ, ຢູ່ຢາງກຸງ, ທ່ານຢາງເຈຊືຍັງພົບປະກັບພົນເອກເທນເຊັນ ນາຍົກລັດຖະມົນຕີມຽນມາແລະທ່ານບານກີມູນ ເລຂາທິການໃຫຍ່ສະຫະປະຊາຊາດ. ພົນເອກເທນເຊນໄດ້ສະແດງຄວາມຂອບໃຈຢ່າງເລິກເຊິ່ງຕໍ່ການຊ່ອຍເຫຼືອທີ່ຢ່າງເອື້ອເຟື້ອເຜື່ອແຜ່ຂອງລັດຖະບານແລະປະຊາຊົນຈີນ. ທ່ານບານກີມູນໄດ້ຍ້ອງຍໍໃນລະດັບສູງຕໍ່ຝ່າຍຈີນທີ່ຕັ້ງໜ້າເຂົ້າຮ່ວມການເຄື່ອນໄຫວຂອງປະຊາຄົມໂລກທີ່ຊ່ອຍເຫຼືອມຽນມາ.
|
|
|
