|
ທັນຍາຫານໃນລະດູຮ້ອນຂອງຈີນປີນີ້ຈະຈະເກັບກ່ຽວໄດ້ຜົນເພີ່ມຂຶ້ນເປັນປີທີ 5 ລຽນຕິດ
cri
ຕາມຂ່າວສານຊີນຮວາ: ວັນທີ 25 ພຶດສະພານີ້ ທ່ານຊຸນເຈິ້ງຊາຍ ລັດຖະມົນຕີວ່າການກະຊວງກະສິກຳຈີນກ່າວວ່າ, ທັນຍາຫານລະດູຮ້ອນຂອງຈີນປີໜີຄາດວ່າຈະໄດ້ຮັບຜົນເກັບກ່ຽວເພີ່ມຂຶ້ນເປັນປີທີ 5 ລຽນຕິດ.
ມື້ດຽວກັນ, ກະຊວງກະສິກຳຈີນໄດ້ຈັດພິທີເລີ່ມເກັບກ່ຽວເຂົ້າເບຼໃນທົ່ວປະເທດຈີນຢູ່ເມືອງນານຢາງແຂວງເຫີນານ.ໃນພິທີດັ່ງກ່າວ, ທ່ານຊຸນເຈິ້ງຊາຍກ່າວວ່າ, ປັດຈຸບັນ,ເຂົ້າເບຼເຕີບໃຫຍ່ງາມຫລາຍ,ຖ້າວ່າໃນສິບກວ່າມື້ຂ້າງຫນ້ານີ້,ເຂດປູກເຂົ້າເບຼສຳຄັນຢູ່ພາກເຫນືອຂອງແມ່ນ້ຳເຫລືອງບໍ່ມີໄພທາງອາກາດເກີດຂຶ້ນ, ຜົມຜະລິດທັນຍາຫານລະດູຮ້ອນປີນີ້ກໍ່ຈະສ້າງສະຖິຕິດີທີ່ສຸດໃນປະຫວັດສາດ,ຍອດຜົນຜະລິດຈະເພີ່ມຂຶ້ນເປັນປີທີ 5 ລຽນຕິດ.
ທ່ານຊຸນເຈິ້ງຊາຍກ່າວເນັ້ນວ່າ, ໃນຂະນະທີ່ເຮັດວຽກເກັບກ່ຽວເຂົ້າລະດູຮ້ອນໃຫ້ດີນັ້ນ,ຍັງຕ້ອງຮັບປະກັນການປູກເຂົ້າລະດູຮ້ອນໃນເນື້ອທີ່ຕາມຄາດຫມາຍ,ເພື່ອສ້າງພື້ນຖານອັນຫມັ້ນແກ່ນໃຫ້ແກ່ການເກັບກ່ຽວໃນລະດູໃບໄມ້ຫລົ່ນ,ພະ ຍາຍາມບັນລຸເປົ້າຫມາຍການເກັບກ່ຽວທັນຍາຫານຢ່າງຫມັ້ນທ່ຽງໃນຫມົດປີນີ້.
|
|
