|
ທະຫານຈີນໄດ້ປະກອບສ່ວນພົ້ນເດັ່ນໃນການກູ້ໄພແຜ່ນດິນໄຫວ
cri
ຕາມຂ່າວ CRI: ຕອນບ່າຍວັນທີ 26 ພຶດສະພານີ້, ໃນກອງປະຊຸມຖະແຫຼງຂ່າວກ່ຽວກັບການກູ້ໄພແຜ່ນດິນໄຫວທີ່ຈັດໂດຍຫ້ອງການຖະແຫຼງຂ່າວຂອງລັດຖະບານຈີນ, ທ່ານໂອ່ຢາງຊົ່ງ ຮອງຫົວໜ້າຄະນະຈັດຕັ້ງສູນກາງພັກກອມມູນິດຈີນກ່າວວ່າ, ທະຫານຈີນໄດ້ປະກອບສ່ວນພົ້ນເດັ່ນເຂົ້າໃນວຽກງານກູ້ໄພແຜ່ນດິນໄຫວທີ່ໄດ້ຮັບໄຊຊະນະເປັນລັກສະນະຂັ້ນຕອນ.
ທ່ານໂອ່ຢາງຊົ່ງກ່າວວ່າ, ວັນທີ 12 ພຶດສະພານີ້, ກໍ່ຄືມື້ທີ່ເກີດແຜ່ນດິນໄຫວ, ກໍ່ໄດ້ມີນາຍແລະພົນທະຫານ 2 ໝື່ນກວ່າຄົນໄປເຂດປະສົບໄພ. ປະຈຸບັນ, ມີນາຍແລະພົນທະຫານແລະຕຳຫຼວດປະກອບອາວຸດ 1 ແສນ 3 ໝື່ນກວ່າຄົນສູ້ຊົນຢູ່ເຂດປະສົບໄພແຜ່ນດິນໄຫວ. ໄດ້ມີນາຍພົນ 80 ຄົນ, ພະນັກງານຂັ້ນຫົວໜ້າກອງພົນ 2500 ກວ່າຄົນສູ້ຊົນຢູ່ເຂດປະສົບໄພ.
ຕາມສະຖິຕິ, ກອງທະຫານກອງຕ່າງໆໄດ້ຂຸດປະຊາຊົນອອກຈາກຊາກອາຄານ 25000 ກວ່າຄົນ, ໃນນັ້ນ, ມີຜູ້ລອດຊີວິດ 3300 ກວ່າຄົນ, ປິ່ນປົວຜູ້ບາດເຈັບ 5 ໝື່ນກວ່າຄົນ, ຂົນສົ່ງເຄື່ອງກູ້ໄພ 2 ແສນ 4 ໝື່ນກວ່າໂຕນ, ແປງທາງເກືອບ 2000 ກິໂລເມັດ.
|
|
