|
ແຜ່ນດິນໄຫວເວີ້ນຊ່ວນແຂວງເສສວນຈີນເຮັດໃຫ້ 65080 ຄົນເສຍຊີວິດ
cri
ຕາມຂ່າວ CRI: ວັນທີ 26 ພຶດສະພານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ຈັດກອງປະຊຸມຖະແຫຼງຂ່າວໂດຍແຈ້ງວ່າ, ນັບມາຮອດ 12 ໂມງວັນທີ 26 ພຶດສະພານີ້, ແຜ່ນດິນໄຫວເວີ້ນຊ່ວນແຂວງເສສວນໄດ້ເຮັດໃຫ້ 65080 ຄົນເສຍຊີວິດ, 3 ແສນ 6 ໝື່ນຄົນບາດເຈັບ, ແລະ 23150 ຄົນຫາຍສາບສູນ.
ຂ່າວແຈ້ງວ່າ, ນັບມາຮອດ 24 ໂມງວັນທີ 25 ພຶດສະພານີ້, ຜູ້ກູ້ໄພໄດ້ກອບກູ້ແລະຍົກຍ້າຍຜູ້ປະສົບໄພເກືອບ 6 ແສນ 7 ໝື່ນຄົນ, ຂຸດຜູ້ລອດຊີວິດອອກຈາກຊາກອາຄານ 6537 ຄົນ.
ນັບມາຮອດ 12 ໂມງວັນທີ 26 ພຶດສະພານີ້, ນັບລວມແລ້ວ, ຜູ້ນອນຢູ່ໂຮງໝໍຮັບການປິ່ນປົວຍ້ອນບາດເຈັບໃນແຜ່ນດິນໄຫວມີ 8 ໝື່ນກວ່າຄົນ, ໄດ້ອອກຈາກໂຮງໝໍ 5 ໝື່ນກວ່າຄົນ, ຍ້າຍໄປປິ່ນປົວຢູ່ຕ່າງແຂວງແລະນະຄອນເກືອບ 6000 ຄົນ.
ນັບມາຮອດ 14 ໂມງວັນທີ 26 ພຶດສະພານີ້, ອົງການປົກຄອງຂັ້ນຕ່າງໆໄດ້ໃຊ້ງົບປະມານ 16 ຕື້ 600 ລ້ານຢວນເຂົ້າໃນການກູ້ໄພແຜ່ນດິນໄຫວ. ນັບມາຮອດ 12 ໂມງວັນທີ 26 ພຶດສະພານີ້, ຢູ່ພາຍໃນແລະຕ່າງປະເທດໄດ້ບໍລິຈາກເງິນແລະເຄື່ອງຊ່ອຍເຫຼືອທີ່ມີມູນຄ່າ 30 ຕື້ 800 ລ້ານຢວນ.
|
|
