|
|
 |
| (GMT+08:00)
2008-05-26 20:23:41
|
 |
|
ຄະນະຜູ້ແທນພັກກົກມິນຕັງຈີນເດີນທາງຮອດນະຄອນນານກິ່ງ
cri
ຕາມຂ່າວ CRI: ຕອນບ່າຍວັນທີ 26 ພຶດສະພານີ້, ຄະນະຜູ້ແທນຂອງພັກກົກມິນຕັງຈີນທີ່ນຳໂດຍທ່ານອູໂປຊົ່ງ ປະທານພັກກົກມິນຕັງຈີນໄດ້ຂີ່ຍົນເດີນທາງຮອດນະຄອນນານກິ່ງ, ເລີ່ມຢ້ຽມຢາມແຜ່ນດິນໃຫຍ່.
ເມື່ອຮອດສະໜາມບິນລູ້ໂຂຂອງນະຄອນນານກິ່ງແລ້ວ, ທ່ານອູໂປຊົງໄດ້ສະເໜີແລະພ້ອມກັນກັບທ່ານເຊິນຢຸນລິນ ຫົວໜ້າຫ້ອງການວຽກງານໄຕ້ຫວັນສູນກາງແລະຜູ້ທີ່ໄປຕ້ອນຮັບ ຢືນສະຫງົບນິ້ງໄວ້ອາໄລໃຫ້ຜູ້ເສຍຊີວິດໃນແຜ່ນດິນໄຫວເວີ້ນຊ່ວນ.
ທ່ານອູໂປຊົ່ງພ້ອມດ້ວຍຄະນະແມ່ນເດີນທາງມາຢ້ຽມຢາມແຜ່ນດິນໃຫຍ່ ຕາມຄຳເຊີນຂອງສູນກາງພັກກອມມູນິດຈີນແລະທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນ. ນອກຈາກນະຄອນນານກິ່ງແລ້ວ, ຄະນະຜູ້ແທນຂອງພັກກົກມິນຕັງຈີນຍັງຈະໄປຢ້ຽມຢາມປັກກິ່ງແລະຊຽງໄຮ້.
ໃນເວລາກ່າວຄຳປາໄສຕ້ອນຮັບ, ທ່ານເຊິນຢຸນລິນ ຫົວໜ້າຫ້ອງການວຽກງານໄຕ້ຫວັນສູນກາງພັກກອມມູນິດຈີນໄດ້ສະແດງຄວາມຂອບອົກຂອບໃຈນຳການຢື້ຢາມຖາມຂ່າວແລະການຊ່ອຍເຫຼືອຂອງພັກກົກມິນຕັງແລະປະຊາຊົນໄຕ້ຫວັນ, ທ່ານເຫັນວ່າ, ການຢ້ຽມຢາມຂອງທ່ານອູໂປຊົງເທື່ອນີ້, ຍ່ອມຈະຊຸກຍູ້ການແລກປ່ຽນແລະການຮ່ວມມືລະຫວ່າງພັກກົກມິນຕັງກັບພັກກອມມູນິດຈີນຕື່ມອີກພາຍໃຕ້ສະພາບການໃໝ່, ແລະຍ່ອມຈະປະກອບສ່ວນອັນສຳຄັນເພື່ອໃຫ້ການພົວພັນລະຫວ່າງສອງຝັ່ງຂະຫຍາຍຕົວໂດຍສັນຕິ.
|
|
|
