|
|
 |
| (GMT+08:00)
2008-05-27 15:58:51
|
 |
|
21 ແຂວງ ເຂດແລະກຳແພງນະຄອນຂອງຈີນຂົນສົ່ງເຄື່ອງຊ່ວຍເຫລືອດ່ວນຕ່າງໆໄປໃຫ້ເຂດປະສົບໄພແຜ່ນດິນໄຫວ
cri
ຕາມຂ່າວສານຊີນຮວາ:ອີງຕາມການຈັດວາງຂອງພາກສ່ວນທີ່ກ່ຽວຂ້ອງ,21 ແຂວງ ເຂດປົກຄອງຕົນເອງແລະກຳແພງນະຄອນເຊັ່ນ ນະຄອນປັກກິ່ງ ແຂວງຫູໄປ ແຂວງຟູຈ້ຽນແລະແຂວງອື່ນໆຕ່າງກໍ່ໄດ້ສົ່ງວັດຖຖຸເຄື່ອງຂອງໄປສະຫນັບສະຫນູນຊ່ວຍເຫລືອເຂດປະສົບໄພ,ໃດຫນຶ່ງໂດຍສະເພາະເຊັ່ນສົ່ງບ່ອນພັກຊົ່ວຄາວໄປໃຫ້ປະຊາຊົນຢູ່ເຂດປະສົບໄພ, ຊ່ວຍເຂດປະສົບໄພສ້າງສາຄືນໃຫມ່,ພັດທະນາແລະຮ່ວມມືດ້ານເສດຖະກິດພ້ອມທັງໃຫ້ການຊີ້ນຳດ້ານເຕັກນິກເປັນຕົ້ນ.
ວັນທີ 25 ພຶດສະພານີ້ ລົດໄຟສະເພາະທີ່ຂົນສົ່ງເຮືອນຢູ່ປະຢັດພະລັງງານ ຕູບຜ້າເຕັ້ນແລະເຄື່ອງໃຊ້ປະຈຳວັນອື່ນໆໄດ້ອອກເດີນທາງຈາກປັກກິ່ງ,ນີ້ແມ່ນວັດຖຸຊ່ວຍເຫລືອງວດທຳອິດທີ່ປັກກິ່ງຮັບຫນ້າທີ່ສົ່ງໄປຊວຍເຫລືອເມືອງຊືຟາງແຂວງເສສວນທັງຫມົດ.
ເມືອງຮ້ານຢວນແຂວງເສສວນແມ່ນເຂດທີ່ແຂວງຫູໄປຮັບຜິດຊອບຊ່ວຍເຫລືອ.ລະຫວ່າງນີ້, ແຂວງຫູໄປໄດ້ຕົກລົງ,ຈະສົ່ງເຮືອນຢູ່ຊົ່ວຄາວອີກ 4 ຫມື່ນຊຸດໄປໃຫ້ເມືອງນີ້.
ວັນທີ 23 ພຶດສະພາ, ແຂວງຟູຈ້ຽນໄດ້ຂົນສົ່ງຕູບຜ້າເຕັ້ນ 6000 ຜືນຈາກເມືອງຟູໂຈວໄປສູ່ເມືອງຫລີແຂວງເສສວນໂດຍດ່ວນ.
ປັດຈຸບັນ, ວັດຖຸຊ່ວຍເຫລືອແລະເຈົ້າຫນ້າທີ່ກູ້ໄພຂອງແຂວງ ເຂດປົກຄອງຕົນເອງແລະກຳແພງນະຄອນທີ່ກ່ຽວຂ້ອງພວມເດີນທາງໄປສູ່ເຂດປະສົບໄພຕາມໆກັນ.
|
|
|
