|
ຈີນສະແດງຄວາມຂອບອົກຂອບໃຈຢ່າງຈິງໃຈອີກເທື່ອໜຶ່ງຕໍ່ປະເທດ ອົງການຈັດຕັ້ງແລະເອກະຊົນທີ່ສະໜອງການຊ່ວຍເຫຼືອໃຫ້ແກ່ຈີນ
cri
Author: shuo
ຕາມຂ່າວCRI:ວັນທີ27ພຶດສະພານີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຂໍສະແດງຄວາມຂອບອົກຂອບໃຈຢ່າງຈິງໃຈອີກເທື່ອໜຶ່ງຕໍ່ປະເທດ ອົງການຈັດຕັ້ງແລະເອກະຊົນທີ່ໄດ້ສະໜອງຄວາມຊ່ວຍເຫຼືອໃຫ້ແກ່ເຂດປະສົບໄພແຜ່ນດິນໄຫວຂອງຈີນ.
ທ່ານຊິນກ່າງກ່າວວ່າ,ຕາມສະຖິຕິຂອງກະຊວງການຕ່າງປະເທດຈີນ,ນັບມາຮອດປະຈຸບັນໄດ້ມີລັດຖະບານຫຼືອົງການປະຊາຊົນຂອງ155ປະເທດ ອົງການຈັດຕັ້ງສາກົນແລະພາກພື້ນ10ກວ່າແຫ່ງໄດ້ສະແດງວ່າຈະບໍລິຈາກເງິນໃຫ້ແກ່ຈີນ,ລວມທັງໝົດມີເກືອບ1ຕື້900ລ້ານຢວນ.ນອກນີ້,ຍັງມີລັດຖະບານຫຼືອົງການປະຊາຊົນຂອງ54ປະເທດໄດ້ສະແດງວ່າຈະບໍລິຈາກເຄື່ອງຊ່ວຍເຫຼືອໃຫ້ແກ່ຈີນ,ຍອດມູນຄ່າມີປະມານ524ລ້ານຢວນ,ໃນນັ້ນໄດ້ມີເຄື່ອງຊ່ວຍເຫຼືອທີ່ຕົກເປັນມູນຄ່າ151ລ້ານຢວນຂອງ31ປະເທດໄດ້ສົ່ງໄປຮອດເຂດປະສົບໄພແລ້ວ.
ທ່ານຊິງກ່າງບອກໃຫ້ຮູ້ວ່າ,ກອງກູ້ໄພຂອງຕ່າງປະເທດທີ່ມາຊ່ວຍກູ້ໄພຢູ່ຈີນໄດ້ໜີຈາກຈີນເປັນລຳດັບ.
|
|
