|
|
 |
| (GMT+08:00)
2008-05-28 10:09:51
|
 |
|
ເລຂາທິການສູນກາງພັກກອມມູນິດຈີນພົບປະກັບຄະນະຜູ້ແທນລາວ
cri
ຕາມຂ່າວສານຊີນຮວາ, ວັນທີ27ພຶດສະພານີ້ຢູ່ປັກກິ່ງ, ທ່ານເຮີຢົງ ເລຂາສຳນັກເລຂາສູນກາງພັກກອມມູນິດຈີນ ຮອງເລຂາທິການຄະນະກຳມະການກວດກາສູນກາງໄດ້ພົວປະຄະນະຜູ້ແທນຄະນະກຳມະການກວດກາສູນກາງພັກປະຊາຊົນປະຕິວັດລາວທີ່ນຳພາໂດຍທ່ານອາຊາງ ລາວລີ ກຳມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກຳມະການກວດກາສູນກາງພັກປະຊາຊົນປະຕິວັດ ຮອງນາຍົກລັດຖະມົນຕີ.
ທ່ານເຮີຢົງກ່າວວ່າ, ໃນຫຼາຍປີມານີ້, ການພົວພັນມິດຕະພາບລະຫວ່າງຈີນກັບລາວໄດ້ຂະຫຍາຍຕົວກ້າວສູ່ລວງເລິກເລື້ອຍໆ, ໄດ້ຮັບໝາກຜົນອັນໃຫຍ່ຫຼວງ. ອົງການກວດກາຂອງສອງພັກໄດ້ຜ່ານຮູບການຫຼາຍຢ່າງ, ເຊັ່ນ ມີຜູ້ນຳຂັ້ນສູງຢ້ຽມຢາມເຊິ່ງກັນແລະກັນ ແລກປ່ຽນທາງວຽກງານແລະອົບຮົມພະນັກງານເປັນຕົ້ນ, ລົງເລິກການແລກປ່ຽນແລະການຮ່ວມມືສອງຝ່າຍຢ່າງບໍ່ຢຸດຢັ້ງ.
ທ່ານອາຊາງ ລາວລີກ່າວວ່າ, ສອງພັກແລະສອງປະເທດລາວຈີນໄດ້ປະເຊີນກັບບັນຫາແລະການທ້າທາຍທີ່ຄ້າຍຄືກັນໃນການພັດທະນາ. ຈີນມີບົດຮຽນທີ່ດີແລະວິທີທີ່ດີຢ່າງຫຼວງຫຼາຍໃນດ້ານພັດທະນາເສດຖະກິດສັງຄົມ, ແລະຕ້ານການສໍ້ລາດບັງຫຼວງເປັນຕົ້ນ, ເປັນໜ້າໃຫ້ລາວຖອດຖອນແລະຮໍ່າຮຽນນຳ, ສອງຝ່າຍແລກປ່ຽນແລະຮ່ວມມືກັນ, ສາມາດເພີ່ມທະວີຄວາມເຂົ້າໃຈກັນ, ຂະຫຍາຍມິດຕິພາບ, ຊຸກຍູ້ວຽກງານຕ່າງໆຂອງໃຜລາວ.
|
|
|
