|
ຕາມຂ່າວCRI:ໃນເວລາລາຍງານຂ່າວກ່ຽວກັບແຜ່ນດິນໄຫວຮຸນແຮງຢູ່ເມືອງເວີ້ນຊ່ວນແຂວງເສສວນ, ສື່ມວນຊົນຕ່າງປະເທດມັກເອົາທ່າທີຂອງລັດຖະບານຈີນໃນການຮັບມືກັບໄພແຜ່ນດິນໄຫວເທື່ອນີ້ທຽບກັບທ່າທີຮັບມືກັບແຜ່ນດິນໄຫວຮຸນແຮງຢູ່ນະ ຄອນທາງຊ່ານປີ 1976.ຫຼັງຈາກເກີດແຜ່ນດິນໄຫວຮຸນແຮງຂອງນະຄອນທາງຊ່ານແລ້ວ,ຈີນໄດ້ຕັດສິນໃຈເພິ່ງກຳລົງຂອງຕົນເອງ,ຜ່ານຜ່າຄວາມຫຍຸ້ງຍາກ,ປະຕິເສດບໍ່ຍອມຮັບເອົາການຊ່ອຍເຫຼືອຂອງສາກົນ,ແຕ່ແຜ່ນດິນໄຫວເທື່ອນີ້,ປະຊາຄົມໂລກໄດ້ເຫັນໂດຍທົ່ວໄປວ່າ,ລັດຖະບານຈີນໄດ້ສ້າງພາບພົດໃຫມ່ອ່ຽມທີ່ໄຂປະຕູໃນເວລາຮັບມືກັບໄພແຜ່ນດິນໄຫວເທື່ອນີ້.
ຫຼັງຈາກເກີດແຜ່ນດິນໄຫວເມືອງເວີ້ນຊ່ວນແລ້ວ,ກະຊວງການຕ່າງ ປະເທດຈີນກໍສະແດງໃນທັນທີວ່າ:ຈີນຂອບໃຈແລະຍິນດີຮັບເອົາການ ຊ່ອຍເຫຼືອຕ່າງໆຂອງປະຊາຄົມໂລກ, ສະພາກາແດງຈີນກໍໄດ້ຜ່ານສະຫະພັນກາແດງແລະເຄີ່ງວົງເດືອນແດງສາກົນ ສົ່ງຄຳຮຽກຮ້ອງຂໍຄວາມຊ່ອຍເຫຼືອດ່ວນໄປຍັງປະຊາຄົມໂລກ. ຈີນຍັງອະນຸຍາດໃຫ້ກອງຊ້ອຍກູ້ໄພຂອງປະເທດຕ່າງໆເຊັ່ນ:ຍີ່ປຸ່ນ ຣັດເຊຍ ສ.ເກົາຫຼີແລະສິງກະໂປເປັນຕົ້ນເຂົ້າໄປສູ່ເຂດປະສົບໄພ, ເທື່ອນີ້ກໍ່ແມ່ນເທື່ອທຳອິດທີ່ຈີນຮັບເອົາຊ່ອຍເຫຼືອຂອງກອງກູ້ໄພຂອງຕ່າງປະເທດຫຼັງຈາກເກີດໄພທຳມະຊາດຮ້າຍແຮງທີ່ສຸດເປັນເທື່ອທຳອິດນັບແຕ່ປະເທດຈີນໃຫມ່ສ້າງຕັ້ງຂຶ້ນໃນປີ 1949 ເປັນຕົ້ນມາ.ນັກຂ່າວຕ່າງປະເທດກໍ່ບໍ່ໄດ້ຖືກຈຳກັດຫຍັງໃນເວລາໄປເອົາຂ່າວໃນເຂດປະສົບໄພ, ນັກຂ່າວຫຼາຍຄົນບໍ່ຢ້ານຄວາມອັນຕະລາຍໃນເວລາໄປເອົາຂ່າວຢູ່ເຂດເກີດແຜ່ນດິນໄຫວ,ລາຍງານຂ່າວກ່ຽວກັບສະພາບໄພທຳມະຊາດແລະການກູ້ໄພຂອງຈີນໃຫ້ທົ່ວໂລກຊາບ.
ການກະທຳຂອງຈີນທີ່ຮັບເອົາການຊ່ອຍເຫຼືອຂອງປະຊາຄົມໂລກໄດ້ຮັບການຢືນຢັນແລະຍ້ອງຍໍໂດຍທົ່ວໄປ.ຫນັງສືພິມລອສແອນເຈິລິສ໌ແທມສ໌ຂອງອາເມລິກາໄດ້ລາຍງານວ່າ,ການກະທຳຂອງຈີນໃນການກູ້ໄພເທື່ອນີ້ທັນສະໄຫມທັງມີຄວາມຄ່ອງແຄ້ວແລະເປີດປະຕູຫຼາຍທີ່ສຸດ.ຫນັງສືພິມລຽນເຮີຈ້າວປ້າວຂອງສິງກະໂປຊີ້ອອກວ່າ,ຈີນໃຊ້ທ່າທີທີ່ວ່າການຊ່ອຍເຫຼືອກັນຄວນເປັນເລື່ອງປົກກະຕິທີ່ສາກົນຄວນເຮັດ ,ນີ້ໄດ້ສະແດງໃຫ້ເຫັນຄວາມຫມັ້ນໃຈຂອງຈີນທີ່ເປີດປະຕູຮອບດ້ານຕໍ່ທົ່ວໂລກແລະພະຍາຍາມເຊື່ອມໂຍງເຂົ້າກັບປະ ຊາຄົມໂລກ.
ເລື່ອງຈິງແມ່ນໂຕ້ຖຽງບໍ່ໄດ້,ວັນທີ 16 ພຶດສະພານີ້,ໃນງານຖະແຫຼງຂ່າວທີ່ຈັດຂຶ້ນຢູ່ສຳນັກງານສະຫະປະຊາຊາດທີ່ເຊີແນວ,ນັກຂ່າວຍິງຜູ່ຫນຶ່ງຂອງສຳນັກຂ່າວອາແອັຟເປຕັ້ງຄຳຖາມທີ່ຫວັງໃສ່ຮ້າຍວ່າຈີນປະຕິເສດການຊ່ອຍເຫຼືອຂອງຕ່າງປະເທດແລະບໍ່ຢາກອອກວີຊາໃຫ້ນັກຂ່າວຕ່າງປະເທດໄປເອົາຂ່າວຢູ່ເຂດປະສົບໄພນັ້ນ,ໄດ້ຖືກບຸກຄົນທີ່ຮ່ວມປະຊຸມຕໍ່ວ່າດ້ວຍໃຈຮ້າຍໃນທັນ ທີ. ນາງເອລີຊາເບດ ບາຍເອີສ໌ ໂຄສົກຖະແຫຼງຂ່າວຂອງຫ້ອງການປະສານງານວຽກງານມະນຸດສະທຳຂອງສະຫະປະຊາຊາດກ່າວວ່າ: ຂ້າພະເຈົ້າສາມາດຢືນຢັນໄດ້ຢ່າງເດັດຂາດວ່າ:ບໍ່ມີບັນຫາຈັກດີ້. ເພາະວ່າເລີ່ມແຕ່ມື້ທຳອິດທີ່ເກີດໄພແຜ່ນດິນໄຫວ,ຝ່າຍທີ່ກ່ຽວຂ້ອງຂອງຈີນກໍ່ໄດ້ຮັກສາການຕິດຕໍ່ພົວພັນກັບສະຫະປະຊາຊາດຢ່າງໃກ້ຊິດຕະຫຼອດມາ. ນາງມາຣີ ຮຸຍເຊ ຫົວຫນ້າພະແນກຂ່າວຂອງສຳນັກງານສະຫະປະຊາຊາດທີ່ເຊີແນວໄດ້ເວົ້າຕໍ່ນັກຂ່າວAFPຜູ່ນີ້ວ່າ: ຂ້ອຍບໍ່ອະນຸຍາດໃຫ້ເຈົ້າເວົ້າແບບນີ້ຕໍ່ຈີນ, ເພາະວ່າດຽວນີ້ກໍ່ມີນັກຂ່າວຕ່າງປະເທດຫຼາຍຄົນພວມເອົາຂ່າວຢູ່ເຂດປະສົບໄພຂອງຈີນ.
ຈີນເປີດປະຕູໃນການກູ້ໄພແຜ່ນດິນໄຫວນັ້ນ,ກ່ອນອື່ນແມ່ນເພື່ອໂຄລົບນຳຖືຕໍ່ຊີວິດ.ອີກດ້ານຫນຶ່ງແມ່ນຍ້ອນທັດສະນະຄະຕິກຳອຳນາດແລະຮູບການບໍລິຫານບ້ານເມືອງຂອງລັດຖະບານຈີນໄດ້ມີການປ່ຽນແປງ,ໃນ 30 ປີມານັບແຕ່ຈີນດຳເນີນການປະຕິຮູບແລະໄຂປະຕູຕໍ່ພາຍນອກເປັນຕົ້ນມາ,ຈີນໄດ້ປະສົບການປ່ຽນແປງແບບປິ້ນຟ້າຂວ້ຳແຜ່ນດິນ,ການປ່ຽນແປງດັ່ງກ່າວບໍ່ພຽງແຕ່ໄດ້ສະແດງອອກໃຫ້ເຫັນໃນການພັດທະນາເສດຖະກິດເທົ່ານັ້ນ,ຍັງໄດ້ສະແດງໃຫ້ເຫັນໃນດ້ານຄວາມກ້າວຫນ້າ ທັດ ສະນະຄະຕິຂອງລັດຖະ ບານຈີນແລະປະຊາຊົນຈີນ. ໃນຫຼາຍປີມານີ້ໄດ້ພັດທະນາເສດຖະກິດຂອງຈີນຢ່າງວ່ອງໄວເຮັດໃຫ້ຈີນມີຄວາມສາມາດປະເຊີນກັບທົ່ວໂລກດ້ວຍໃຈ ກວ້າງກວ່າເກົ່າແລະສາຍຕາທີ່ມີຄວາມຫມັ້ນໃຈກວ່າເກົ່າແລະຮັບການຊ່ອຍເຫຼືອຂອງທົ່ວໂລກຢ່າງເປີດອົກແລະຈິງໃຈ
|
