|
ອົງການສະຫະປະຊາຊາດຈະສະໜັບ ສະໜູນການສ້າງສາຄືນໃໝ່ຫຼັງໄພແຜ່ນດິນໄຫວຂອງຈີນໃນໄລຍະຍາວ
cri
ຕາມຂ່າວສານຈີນ: ວັນທີ 28 ພຶດສະພານີ້, ຢູ່ທີ່ປັກກິ່ງ, ທ່ານຮາລິດ ມາລິກ ຜູ້ຕາງໜ້າປະສານງານຂອງສະຫະປະຊາຊາດປະຈຳຈີນກ່າວວ່າ, ອົງການສະຫະປະຊາຊາດໄດ້ກຽມພ້ອມແລ້ວ, ຈະຊ່ວຍເຫຼືອປະຊາຊົນທີ່ປະສົບໄພແຜ່ນດິນໄຫວໃນດ້ານການຈັດຕັ້ງແລະສ້າງສາຄືນໃໝ່ຫຼັງໄພໃນໄລຍະຍາວ.
ຂ່າວແຈ້ງວ່າ, ປະຈຸບັນ, ຕູບຜ້າເຕັ້ນ, ຜ້າຮົ່ມ, ເຄື່ອງໃຊ້ສຸຂະພາບແລະອາຫານຈຳນວນຫຼວງຫຼາຍທີ່ສະຫະປະຊາຊາດສະໜອງໃຫ້ນັ້ນກຳລັງຂົນສົ່ງໄປເຂດປະສົບໄພຢ່າງບໍ່ຂາດສາຍ. ໃນນັ້ນ, ຕູບຜ້າເຕັ້ນ 2 ງວດທີ່ຈະຂົນສົ່ງໄປຮອດນະຄອນເຊີງຕູ່ນັ້ນສາມາດໃຫ້ປະຊາຊົນທີ່ປະສົບໄພ 5 ໝື່ນ 5 ພັນຄົນພັກເຊົາ. ພ້ອມກັນນັ້ນ, ກອງທຶນເດັກນ້ອຍຂອງສະຫະປະຊາຊາດ ຫຼື UNICEF ຍັງໄດ້ສະໜອງເຄື່ອງໃຊ້ດ້ານສຸຂະອະນາໄມ, ອາຫານບຳລຸງໃຊ້ສຳລັບກູ້ໄພດ່ວນ, ຫ້ອງນ້ຳເຄື່ອນທີ່, ເຄື່ອງນຸ່ງເດັກນ້ອຍ, ອຸປະກອນການຮຽນແລະຕູບຜ້າເຕັ້ນທີ່ເຮັດບ່ອນຮຽນຊົ່ວຄາວ 100 ໂຕນ. ນອກນັ້ນ, ຜ້າຮົ່ມງວດທີ 2 ທີ່ອົງການສະຫະປະຊາຊາດເພື່ອການພັດທະນາຫຼື UNDP ສະໜອງໃຫ້, ເຊິ່ງມີ 6 ໝື່ນກວ່າຜືນນັ້ນກໍ່ຈະຂົນສົ່ງຮອດນະຄອນເຊີງຕູ່ໃນວັນທີ 28 ພຶດສະພານີ້.
|
|
