|
ປະຊາຊົນຈີນມີຄວາມຕັດສິນໃຈມີຄວາມໝັ້ນໃຈຍາດເອົາໄຊຊະນະໃນວຽກງານກູ້ໄພຢ່າງຮອບດ້ານແລະຈັດງານກິລາໂອລິມປິກຢ່າງສຳເລັດຜົນ
cri
ຕາມຂ່າວ CRI: ວັນທີ 28 ພຶດສະພານີ້, ຢູ່ທີ່ທຽນສິນ, ທ່ານຊີຈີ້ນພິງ ຮອງປະທານປະເທດຈີນກ່າວວ່າ, ປະຈຸບັນ, ການຕ້ານແລະກູ້ໄພແຜ່ນດິນໄຫວຂອງຈີນໄດ້ຮັບໝາກຜົນລັກສະນະຂັ້ນຕອນທີ່ສຳຄານແລ້ວ, ປະຊາຊົນຈີນມີຄວາມຕັດສິນໃຈແລະຄວາມໝັ້ນໃຈຍາດເອົາໄຊຊະນະໃນວຽກງານກູ້ໄພຢ່າງຮອບດ້ານ, ແລະກໍ່ມີຄວາມຕັດສິນໃຈແລະຄວາມໝັ້ນໃຈຈັດງານກິລາໂອລິມປິກທີ່ມີລະດັບສູງແລະມີເອກລັກ.
ທ່ານຊີຈີ້ນພິງແມ່ນໃຫ້ທັດສະນະດັ່ງກ່າວໃນເວລາກ່າວຄຳປາໄສໃນພິທີໄຂກອງປະຊຸມວິສາຫະກິດປະຈຳປີຄັ້ງທີ 18 ຂອງສະມາຄົມອາຊີ.
ທ່ານຊີຈີ້ນພິງກ່າວວ່າ, ພາຍຫຼັງເມືອງເວີ້ນຊ່ວນແຂວງເສສວນຈີນເກີດແຜ່ນດິນໄຫວຮ້າຍແຮງແລ້ວ, ລັດຖະບານຕ່າງປະເທດ, ອົງການຈັດຕັ້ງສາກົນແລະເພື່ອນມິດຕ່າງປະເທດຫຼວງຫຼາຍໄດ້ໃຫ້ການຊ່ອຍເຫຼືອອັນລ້ຳຄ່າໃຫ້ແກ່ການຕ້ານແລະກູ້ໄພແຜ່ນດິນໄຫວຂອງຈີນ. ປະຈຸບັນ, ປະຊາຊົນຈີນພວມກູ້ໄພແຜ່ນດິນໄຫວ, ທັງພັດທະນາເສດຖະກິດແລະສັງຄົມ, ກະກຽມງານກິລາໂອລິມປິກແລະງານກິລາໂອລິມປິກຄົນພິການຕ່າງໆຢ່າງແທ້ຈິງ, ເພື່ອສະໜັບສະໜູນການກູ້ໄພແຜ່ນດິນໄຫວດ້ວຍການກະທຳຕົວຈິງ.
|
|
