|
|
 |
| (GMT+08:00)
2008-05-28 21:14:32
|
 |
|
ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນໄດ້ເຈລະຈາກັບທ່ານອູປໍຊົງ ປະທານພັກກົກມິນຕັງຈີນ
cri
Author: shuo
ຕາມຂ່າວສານຊິນຮວາ:ຕອນບ່າຍວັນທີ28ພຶດສະພານີ້,ຢູ່ທີ່ປັກກິ່ງ,ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນໄດ້ເຈລະຈາກັບທ່ານອູປໍຊົງ ປະທານພັກກົກມິນຕັງຈີນທີ່ມາຢ້ຽມຢາມຕາມຄຳເຊີນ.ນີ້ແມ່ນການເຈລະຈາຄັ້ງທຳອິດລະຫວ່າງຜູ້ນຳສູງສຸດສອງພັກພາຍໃຕ້ສະຖານະການໄຕ້ຫວັນໄດ້ເກີດການປ່ຽນແປງຢ່າງຕັ້ງໜ້າ.
ທ່ານຫູຈິນທ່າວກ່າວວ່າ,ການຢ້ຽມຢາມເທື່ອທຳອິດຂອງທ່ານອູປໍຊົງໃນຖານະເປັນປະ ທານພັກກົກມິນຕັງນັ້ນແມ່ນເລື່ອງໃຫຍ່ຂອງການພົວພັນລະຫວ່າງສອງພັກແລະລະ ຫວ່າງສອງຝັ່ງຊ່ອງແຄບໄຕ້ຫວັນພາຍໃຕ້ສະຖານະການໃໝ່.ຫວັງໃຫ້ພັກກອມມູນິດຈີນກັບພັກກົກມິນຕັງລົງເລິກແລກປ່ຽນຄວາມເຫັນບົນພື້ນຖານການແລກປ່ຽນແລະການສົນ ທະນາຫຼາຍເທື່ອທີ່ຜ່ານມາກ່ຽວກັບການຊຸກຍູ້ການປັບປຸງແລະຂະຫຍາຍການພົວພັນລະ ຫວ່າງສອງຝັ່ງຊ່ອງແຄບໄຕ້ຫວັນພາຍໃຕ້ສະຖານະການໃໝ່,ພ້ອມກັນມຸ່ງໜ້າໄປສູ່ອະ ນາຄົດ,ພະຍາຍາມຊຸກຍູ້ໃຫ້ການພົວພັນສອງຝັ່ງມີການພັດທະນາໂດຍສັນຕິ.
ທ່ານອູປໍຊົງກ່າວວ່າ,ພັກກົກມິນຕັງຈີນໄດ້ຂຽນຄວາມປາຖະໜາຮ່ວມກ່ຽວກັບການພັດ ທະນາໂດຍສັນຕິລະຫວ່າງສອງຝັ່ງທີ່ຜູ້ນຳສອງພັກພ້ອມກັນປະກາດເມື່ອເດືອນເມສາປີ 2005ນັ້ນເຂົ້າໃນຫຼັກນະໂຍບາຍຂອງພັກຢ່າງເປັນທາງການ,ນີ້ບໍ່ພຽງແຕ່ແມ່ນຄວາມໝັ້ນ ສັນຍາຕໍ່ປະຊາຊົນໄຕ້ຫວັນທໍ່ນັ້ນ ຍັງແມ່ນຄວາມໝັ້ນສັນຍາຕໍ່ພີ່ນ້ອງຮ່ວມຊາດສອງຝັ່ງ, ພັກກົກມິນຕັງຈະສືບຕໍ່ຊຸກຍູ້ການປະຕິບັດຢ່າງແທ້ຈິງຄືແຕ່ເກົ່າເມືອຫຼັງ.
ທ່ານຫູຈິນທ່າວຂອບໃຈພີ່ນ້ອງຮ່ວມຊາດໄຕ້ຫວັນທີ່ໄດ້ໃຫ້ການຊ່ວຍເຫຼືອຢ່າງເອື້ອເຟື້ອເພື່ອແຜ່ໃຫ້ແກ່ເຂດປະສົບໄພແຂວງເສສວນ.
ທ່ານຫູຈິນທ່າວຍັງເຊື້ອເຊີນທ່ານອູປໍຊົງມາເຂົ້າຮ່ວມພິທີໄຂງານກິລາໂອລິມປິກປັກກິ່ງ, ທ່ານອູປໍຊົງໄດ້ສະແດງຄວາມຂອບໃຈແລະຮັບການເຊື້ອເຊີນຢ່າງດີໃຈ.
|
|
|
