|
|
 |
| (GMT+08:00)
2008-05-29 10:38:52
|
 |
|
ປະທານາທິບໍດີສ.ເກົາຫລີຢ້ຽມຢາມຈີນໄດ້ຮັບຫມາກຜົນອັນຕັ້ງຫນ້າ
cri
ຕາມຂ່າວສານຊີນຮວາ:ວັນທີ 28 ພຶດສະພານີ້,ຢູ່ປັກກິ່ງ, ຈີນກັບສາທາລະນະລັດເກົາຫລີໄດ້ອອກຖະແຫລງການຮ່ວມໂດຍກ່າວວ່າ, ຈີນແລະສາທາລະນະລັດເກົາຫລີເພິ່ງພໍໃຈຕໍ່ຫມາກຜົນອັນຕັ້ງຫນ້າທີ່ທ່ານຫລີມຽງບັກ ປະທານາທິບໍດີສາທາລະນະລັດເກົາຫລີໄດ້ຮັບໃນການຢ້ຽມຢາມຈີນ,ສອງຝ່າຍເປັນເອກະສັນກັນເຫັນວ່າການຢ້ຽມຢາມເທື່ອນີ້ມີຄວາມຫມາຍສຳຄັນຕໍ່ການຂະຫຍາຍການພົວພັນລະຫວ່າງສອງປະເທດໃນອະນາຄົດ.
ວັນທີ 27 ພຶດສະພານີ້,ທ່ານຫລີມຽງປັກເລີ່ມຢ້ຽມຢາມຈີນທາງລັດຖະກິດເປັນເວລາ 4 ວັນ.ວັນທີ 27, ທ່ານຫູຈີນທາວ ປະທານປະເທດຈີນໄດ້ພົບປະເຈລະຈາກັບທ່ານລີມຽງປັກ.ວັນທີ 28, ທ່ານເວີນເຈ່ຍປາວ ນາຍົກລັດຖະມົນຕີ ແລະທ່ານເຈ່ຍຊິ້ງຫລິນ ປະທານສະພາປຶກສາການເມືອງແຫ່ງຊາດຈີນແຍກອອກພົບປະກັບທ່ານຫລີມຽງປັກ.
ຖະແຫລງການຮ່ວມທີ່ປະກາດໃນວັນທີ 28 ພຶດສະພານີ້ກ່າວວ່າ, ສອງຝ່າຍຈີນກັບສາທາລະນະລັດເກົາຫລີເປັນເອກະສັນກັນເຫັນດີຍົກການພົວພັນຄູ່ຮ່ວມມືຮອບດ້ານຈີນສາທາລະນະລັດເກົາຫລີໃຫ້ກາຍເປັນການພົວພັນຄູ່ຮ່ວມມືຍຸດທະສາດຈີນສາທາລະນະລັດເກົາຫລີ,ເພີ່ມທະວີການແລກປ່ຽນແລະການຮ່ວມມືກັນຕື່ມອີກໃນທຸກຂົງເຂດ.
ສອງຝ່າຍເປັນເອກະສັນກັນເຫັນວ່າ, ການຮ່ວມມືລະຫວ່າງຈີນກັບສາທາລະນະລັດເກົາຫລີແມ່ນປັດໄຈສຳຄັນທີ່ຊຸກຍູ້ການເຈລະຈາ 6 ຝ່າຍແລະຂະບວນວິວັດໃຫ້ແຫລມເກົາຫລີປາສະຈາກນິວເຄຼຍ,ເຫັນດີສືບຕໍ່ຮ່ວມມືຢ່າງໃກ້ຊິດເພື່ອບັນລຸສັນຕິພາບແລະສະຖຽນລະພາບຂອງແຫລມເກົາຫລີແລະອາຊີຕາເວັນອອກສຽງເຫນືອ.
ທ່ານປະທານາທິບໍດີຫລີມຽງປັກອວຍພອນໃຫ້ປັກກິ່ງຈົ່ງໄດ້ຮັບຜົນສຳເລັດໃນການຈັດງານກິລາໂອລິມປິກ,ແລະກ່າວວ່າທ່ານເອງຈະເຂົ້າຮ່ວມພິທີໄຂງານ,ສາທາລະນະລັດເກົາຫລີຍິນດີໃຫ້ການຊ່ວຍເຫລືອອັນຈຳເປັນແກ່ຈີນເພື່ອຕ້ານແລະກູ້ໄພແຜ່ນດິນໄຫວ.
|
|
|
