|
ຕາມຂ່າວCRI:ຕອນທ່ຽງວັນທີ 28 ພຶດສະພານີ້,ທ່າມກາງກ້ອນເມກທີ່ບົດບັງແສງຕາເວັນທີ່ແຮງກ້າເທິງທ້ອງຟ້າຂອງນະຄອນໄນໂຣບີແຫ່ງເຄນຢາ, ສຳນັກງານສະຫະປະຊາຊາດທີ່ເນໂຣປີໄດ້ຈັດພິທີໄວ້ອາໄລຕໍ່ຜູ່ເສຍຊີວິດໃນແຜ່ນດິນໄຫວຢູ່ເມືອງເວີ້ນ ຊ່ວນຈີນ.
ໃນສະຖານທີ່ຈັດພິທີດັ່ງກ່າວ,ທຸງແດງ 5 ດາວຂອງສາທາລະນະລັດປະຊາຊົນຈີນແລະທຸງສະຫະປະຊາຊາດໄດ້ຕ່ຳລົງ,ເຈົ້າຫນ້າທີ່ສະຫະປະ ຊາຊາດ ຄະນະທູຕານຸທູດຂອງປເທດຕ່າງໆປະຈຳໄນໂຣບີແລະບຸກຄົນວົງການຕ່າງໆຂອງເຄນຢາ 300 ກວ່າຄົນໄດ້ຖືດອກກຸຫຼາບສີຂາວຍ່າງເຂົ້າສູ່ສະຖານທີ່ພິທີໄວ້ອາໄລຢ່າງບໍ່ມິດງຽບ. ນັກຮຽນທີ່ມາຈາກໂຮງຮຽນປະຖົມປັກກິ່ງໄດ້ຮ້ອງເພງທີ່ແຕ່ງເອງ,ເພື່ອຝາກຄວາມໄວ້ອາໄລເຖິງຜູ່ເສຍຊີວິດ.
ໃນເວລານາງອິນກາ ເກຼັບບີ ຮອງຫົວຫນ້າບໍລິຫານງານຂອງອົງການສະຫະປະຊາຊາດເພື່ອທີ່ຢູ່ອາໄສໄດ້ສົ່ງຄຳຮຽກຮ້ອງທີ່ວ່າ:ກົ້ມຫົວເພື່ອໄວ້ອາໄລ 1 ນາທີຕໍ່ຜູ່ເສຍຊີວິດໃນແຜ່ນດິນໄຫວຂອງເມືອງເວີ້ນ ຊ່ວນຈີນແລ້ວ,ສຽງເພງຂອງເດັກນ້ອຍໄດ້ຢຸດຊົ່ວຄາວ,ຄົນທັງຫຼາຍລ້ວນແຕ່ກົ້ມຫົວເພື່ອໄວ້ອາໄລ,ບັນຍາກາດຢູ່ແຫ່ງນີ້ຕົກຢູ່ໃນສະພາບການຫງຽບ ສະຫງົບ.
ຫຼັງຈາກກົ້ມຫົວໄວ້ອາໄລແລ້ວ,ນາງອິນກາ ເກຼັບບີໄດ້ຕາງຫນ້າສຳນັກງານສະຫະປະຊາຊາດທີ່ໄນໂຣບີກ່າວຄຳປາໄສໃນພິທີໄວ້ອາໄລກ່ອນ.ນາງກ່າວວ່າ:ນະທີ່ນີ້,ຂ້າພະເຈົ້າບໍ່ສາມາດໃຊ້ຄວາມເວົ້າມາສະແດງຄວາມເສຍໃຈແລະຄວາມເສົ້າສະຫຼົດໃຈຕໍ່ຜູ່ເສຍຊີວິດຫຼາຍຫມື່ນຄົນໃນແຜ່ນດິນໄຫວເທື່ອນີ້,ພຽງແຕ່ອະທິຖານແລະໄວ້ອາໄລເຖິງເຂົາເຈົ້າໃນໃຈ ເທົ່ານັ້ນ.
ນາງອິນກາ ເກຼັບບີກ່າວວ່າ,ຫຼັງຈາກແຜ່ນດິນໄຫວເມືອງເວີ້ນຊ່ວນເກີດຂຶ້ນແລ້ວ,ສະຫະປະຊາຊາດໄດ້ລິເລີ່ມກົນໄກຊ່ອຍເຫຼືອດ່ວນໃນທັນທີ,ແລະຈະສືບຕໍ່ຊ່ອຍເຫຼືອຈີນໃນແຜນການກູ້ໄພແລະສ້າງສາຄືນໃຫມ່ເປັນເວລາຍາວນານ.
ໃນພິທີໄວ້ອາໄລ,ທ່ານສິວປິ່ນ ອຸບປະທູດຊົ່ວຄາວຂອງສະຖານທູດຈີນປະຈຳເກນຢາກໍໄດ້ກ່າວຄຳປາໄສວ່າ,ຂອບໃຈນຳສະຫະປະຊາຊາດແລະປະຊາຄົມໂລກເອົາໃຈໃສ່ແລະຊ່ອຍເຫຼືອເຂດປະສົບໄພຂອງຈີນ,ພວກຂ້າພະເຈົ້າເຊື່ອຫມັ້ນວ່າລັດຖະບານແລະປະຊາຊົນຈີນເອົາຊະນະໄພທຳມະຊາດຢ່າງແນ່ນອນ,ຟື້ນຟູບ້ານເມືອງອັນສວຍງາມກວ່າເກົ່າຄືນໃຫມ່,ພວກຂ້າພະເຈົ້າກໍໄດ້ກຽມພ້ອມເປັນຢ່າງດີເພື່ອຈັດງານກິລາໂອລິມປິກຢ່າງສຳເລັດຜົນ.
ຜູ່ຕາງຫນ້າທູຕານຸທູດອາຊີປະຈຳເຄນຢາ ຜູ່ຫນ້າງຫນ້າຂອງອົງການສະຫະປະຊາຊາດເພື່ອຢູ່ອາໄສແລະໂຄງການສະຫະປະຊາຊາດເພື່ອສິ່ງແວດລ້ອມຫຼື UNEP ພ້ອມດ້ວຍຜູ່ຕາງ ຫນ້າຂອງວົງການຕ່າງໆໄດ້ປະກອບຄຳຄິດຄຳເຫັນໃນພິທີດັ່ງກ່າວ,ໃນຂະ ນະທີ່ໄວ້ອາໄລເຖິງຜູ່ເສຍຊີວິດໃນແຜ່ນດິນໄຫວເທື່ອນີ້,ກໍໄດ້ສະແດງຄວາມຫມັ້ນໃຈແລະຄວາມອວຍພອນອັນດີງາມຕໍ່ວຽກງານກູ້ໄພຂອງຈີນ
|
