|
|
 |
| (GMT+08:00)
2008-05-29 18:20:32
|
|
ແຜ່ນດິນໄຫວເວີ້ນຊ່ວນແຂວງເສສວນເຮັດໃຫ້ 68516 ຄົນເສຍຊີວິດ
cri
ຕາມຂ່າວ CRI: ວັນທີ 29 ພຶດສະພານີ້, ຕາມສູນບັນຊາການໃຫຍ່ກູ້ໄພແຜ່ນດິນໄຫວຂອງລັດຖະບານມອບສິດໃຫ້ຫ້ອງການຖະແຫຼງຂ່າວຂອງລັດຖະບານຈີນປະກາດວ່າ, ນັບມາຮອດ 12 ໂມງວັນທີ 29 ພຶດສະພານີ້, ແຜ່ນດິນໄຫວເວີ້ນ ຊ່ວນແຂວງເສສວນໄດ້ເຮັດໃຫ້ 68516 ຄົນເສຍຊີວິດ, 3 ແສນ 6 ໝື່ນກວ່າຄົນບາດເຈັບ, 19300 ຄົນຫາຍສາບສູນ. ຍ້າຍແລະຈັດວາງ 15 ລ້ານກວ່າຄົນໂດຍດ່ວນ, ຜູ້ໄດ້ຮັບຜົນກະທົບທັງໝົດມີ 45 ລ້ານ 5 ແສນກວ່າຄົນ.
ຕາມສະຖິຕິ, ນັບມາຮອດ 24 ໂມງວັນທີ 28 ພຶດສະພານີ້, ເຈົ້າໜ້າທີ່ກູ້ໄພໄດ້ກອບກູ້ແລະຍົກຍ້າຍເກືອບ 7 ແສນ 4 ໝື່ນຄົນ, ຂຸດເອົາຜູ້ລອດຕາຍອອກຈາກຊາກອາຄານໄດ້ 6541 ຄົນ.
ນັບມາຮອດ 12 ໂມງວັນທີ 29 ພຶດສະພານີ້, ອົງການປົກຄອງຂັ້ນຕ່າງໆຂອງຈີນໄດ້ໃຊ້ງົບກູ້ໄພເກືອບ 21 ຕື້ຢວນ. ທົ່ວປະເທດໄດ້ຮັບເງິນແລະເຄື່ອງບໍລິຈາກຈາກວົງການຕ່າງໆໃນສັງຄົມຈີນແລະຕ່າງປະເທດ 37 ຕື້ 300 ລ້ານຢວນ.
|
|
|
