|
ປະທານາທິບໍດີສ.ເກົາຫຼີຈະໄປຢ້ຽມຢາມເຂດປະສົບໄພແຜ່ນດິນໄຫວແຂວງເສສວນ
cri
ຕາມຂ່າວ CRI: ວັນທີ 29 ພຶດສະພານີ້, ຢູ່ທີ່ປັກກິ່ງ, ທ່ານຊິນກາງໂຄສົກກະຊວງການຕ່າງປະເທດຈີນຢືນຢັນວ່າ, ທ່ານຫຼີມິງບັກ ປະທານາທິບໍດີສ.ເກົາຫຼີທີ່ພວມຢ້ຽມຢາມຈີນຈະໄປສະແດງຄວາມເຫັນໃຈຢູ່ເຂດປະສົບໄພແຜ່ນດິນໄຫວແຂວງເສສວນໃນວັນທີ 30 ພຶດສະພານີ້, ທ່ານຢາງເຈຊຶ ລັດຖະມົນຕີວ່າການກະຊວງການຕ່າງປະເທດຈີນຈະຕິດຕາມໄປນຳ.
ທ່ານຊິນກາງກ່າວວ່າ, ຈີນເຫັນວ່າ, ທ່ານຫຼີມູງບັກໄປຢ້ຽມຢາມແລະສະແດງຄວາມເຫັນໃຈຢູ່ເຂດປະສົບໄພແຜ່ນດິນໄຫວແຂວງເສສວນ, ໄດ້ສະແດງຄວາມອວຍພອນອັນດີງາມຂອງລັດຖະບານແລະປະຊາຊົນສ.ເກົາຫຼີທີ່ມີຕໍ່ປະຊາຊົນຈີນໂດຍສະເພາະແມ່ນປະຊາຊົນເຂດປະສົບໄພ, ຈີນສະແດງຄວາມຂອບອົກຂອບໃຈ. ພ້ອມກັນນັ້ນ, ຈີນກໍ່ຂອບໃຈນຳການສະໜັບສະໜູນຂອງລັດຖະບານແລະປະຊາຊົນສ.ເກົາຫຼີທີ່ສະໜອງໃຫ້ເຂດປະສົບໄພຈີນນັບແຕ່ແຜ່ນດິນໄຫວເກີດຂຶ້ນເປັນຕົ້ນມາ.
|
|
