|
ທ່ານເຈຍຊິ້ງຫລິນກ່າວວ່າຈີນຈະໃຊ້ກຳລັງທັງຫມົດຂອງທົ່ວປະເທດ ສ້າງສາເຂດປະສົບໄພແຜ່ນດິນໄຫວໃຫ້ດີ
cri
ຕາມຂ່າວສານຊີນຮວາ: ວັນທີ 29 ພຶດສະພານີ້ ຢູ່ເຂດປະສົບແຜ່ນດິນໄຫວຂອງເສສວນ, ທ່ານເຈຍຊິ້ງຫລິນ ປະທານສະພາປຶກສາການເມືອງປະຊາຊົນຈີນກ່າວວ່າ, ຈີນຈະໃຊ້ກຳລັງແຮງທັງຫມົດຂອງທົ່ວປະເທດ,ເຮັດວຽກສ້າງສາເຂດປະສົບໄພຄືນໃຫມ່ໃຫ້ດີ.
ມື້ດຽວກັນ, ທ່ານເຈຍຊິ້ງຫລິນໄດ້ເດີນທາງໄປເຂດປະສົບໄພຂອງແຂວງເສສວນ,ຢື້ຢາມຖາມຂ່າວປະຊາຊົນຜູ່ປະສົບໄພ,ຊີ້ນຳວຽກງານກູ້ໄພ.ທ່ານຮຽກຮ້ອງເຈົ້າຫນ້າທີ່ຢູ່ແຫ່ງນັ້ນຈັດວາງບ່ອນຢູ່ໃຫ້ປະຊາຊົນຜູ່ປະສົບໄພທີ່ຖືກຍົກຍ້າຍໄປຢູ່ບ່ອນໃຫມ່ນັ້ນຢ່າງເຫມາະສົມ,ໂດຍສະເພາະຕ້ອງອອກແຮງແກ້ໄຂບັນຫາເຮືອນຢູ່ໃຫ້ປະຊາຊົນ;ໃນຂະນະທີ່ເຮັດວຽກກູ້ໄພໃຫ້ດີ, ຍັງຕ້ອງຈັດວາງກຳລັງຂອງທຸກຝ່າຍຟື້ນຟູການຜະລິດຜົນໂດຍໄວ.
ໃນແຜ່ນດິນໄຫວເທື່ອນີ້,ເຂດຊົນເຜົ່າສ່ວນຫນ້ອຍຈຳນວຫນຶ່ງກໍ່ເສຍຫາຍຢ່າງຫນັກຫນ່ວງ,ທ່ານເຈຍຊິ້ງຫລິນກ່າວເນັ້ນເປັນພິເສດວ່າ, ໃນເວລາການສ້າງສາເຂດເຫລົ່ານີ້ຕ້ອງພິຈາລະນາເຖິງຈຸດພິເສດຂອງຊົນເຜົ່າສ່ວນຫນ້ອຍ, ສະແດງໃຫ້ເຫັນຈຸດພິເສດຂອງຊົນເຜົ່າເຫລົ່ານີ້, ປົກປັກຮັກສາວັດທະນະທຳຂອງຊົນເຜົ່າສ່ວນຫນ້ອຍ.
|
|
