|
ໂດຍຕອບສະໜອງຄຳເຊີນຂອງທ່ານຫູຈີນທ່າວ ເລຂາມິການໃຫຍ່ສູນກາງພັກມູນິດຈີນທັງເປັນປະທານປະເທດຈີນ,ແຕ່ວັນທີ30 ພຶດສະພາຫາວັນທີ2 ມິຖຸນານີ້,ທ່ານນົງດຶກແມງໄດ້ມາຢ້ຽມຢາມສັນທະວະໄມຕີຕໍ່ຈີນຢ່າງເປັນທາງການ.ຫວ່າງມໍ່ໆນີ້,ທ່ານຫງຽນວິນກວາງ ອັກຄະລັດຖະທູດຫວຽດນາມປະຈຳຈີນໃຫ້ສຳພາດຕໍ່ນັກຂ່າວcri.ທ່ານກ່າວວ່າ,ທ່ານເລຂາທິການໃຫຍ່ນົງດຶກແມງຢ້ຽມຢາມຈີນເທື່ອນີ້ຍ່ອມຈະມີຜົນສະທ້ອນອັນຕັ້ງໜ້າແລະເລິກເຊິ່ງຍາວໄກຕໍ່ການຂະຫຍາຍຂອງການພົວພັນລະຫວ່າງຫວຽດນາມກັບຈີນຢ່າງຮອບດ້ານ.
ຈີນກັບຫວຽດນາມແມ່ນປະເທດບ້ານໃກ້ຄຽງທີ່ມີພູຜາແມ່ນ້ຳຕິດຈອດກັນ.ນັບແຕ່ການພົວພັນລະຫວ່າງສອງປະເທດຫັນເປັນປົກກະຕິໃນປີ1991ເປັນຕົ້ນມາ,ຜູ້ນຳຊັ້ນສູງຂອງສອງຝ່າຍໄດ້ຕິດຕໍ່ພົວພັນກັນຢ່າງເນືອງນິດ,ສອງຝ່າຍຢ້ຽມຢາມໄດ້ກາຍເປັນມູນເຊື້ອຂອງສອງປະເທດແລ້ວ.ທ່ານຫງວຽນວິນກວາງກ່າວວ່າ,ທ່ານເລຂາທິການໃຫຍ່ນົງດຶກແມງຢ້ຽມຢາມຈີນເທື່ອນີ້ກໍ່ແມ່ນການສືບຕໍ່ຂອງມູນເຊື້ອດັ່ງກ່າວ.
ປະຈຸບັນ,ຈີນຫາກໍ່ປະສົບໄພແຜ່ນດິນໄຫວ,ພວມພະຍາຍາມດຳເນີນວຽກງານກູ້ໄພ.ທ່ານຫງວຽນວິນກວາງກ່າວວ່າ:"ໃນກໍລະນີດັ່ງກ່າວ,ທ່ານເລຂາທິການໃຫຍ່ນົງດຶກແມງມາຢ້ຽມຢາມຈີນ,ກ່ອນອື່ນແມ່ນເພື່ອສືບຕໍ່ຊຸກຍູ້ການພົວພັນລະຫວ່າງຫວຽດນາມກັບຈີນໃຫ້ຂະຫຍາຍຕົວຕື່ມອີກ;ດ້ານອື່ນແມ່ນເພື່ອສະແດງວ່າ,ພັກ,ລັດຖະບານແລະປະຊາຊົນຫວຽດນາມສະໜັບສະໜູນພາລະກິດສັງຄົມນິຍົມຂອງຈີນຕະຫຼອດມາ."ທ່ານຫງວນວິນກວາງກ່າວວ່າ,ແຜ່ນດິນໄຫວເທື່ອນີ້ກໍ່ແມ່ນການສັ່ນສະເທືອນເທື່ອໜຶ່ງທາງດ້ານຈິດໃຈແລະອາລົມຂອງປະຊາຊົນຫວຽດນາມ.
ຫຼັງຈາກແຜ່ນດິນໄຫວເກີດຂຶ້ນແລ້ວ, ລັດຖະບານຫວຽດນາມໄດ້ຕົກລົງຊ່ອຍເຫຼືອ2ແສນໂດລາໃຫ້ຜູ້ປະສົບໄພຂອງຈີນ. ພ້ອມກັນນັ້ນ, ອົງການຂອງລັດຖະບານຈຳນວນໜຶ່ງຂອງຫວຽດນາມກໍ່ໄດ້ພາກັນຈັດຕັ້ງໜ່ວຍບໍລິຈາກເງິນ. ນອກນີ້, ຫວຽດນາມຍັງໄດ້ຊ່ອຍເຫຼືອຕູບຜ້າເຕັນແລະອາຫານຈຳນວນໜຶ່ງໃຫ້ຈີນ. ປະຈຸບັນຢູ່ແຫ່ງຕ່າງໆຂອງຫວຽດນາມຍັງພວມຈັດການບໍລິຈາກເພີ່ມຕື່ມ, ເພື່ອຊ່ອຍເຫຼືອຜູ້ປະສົບໄພຂອງຈີນ.
ທ່ານຫງວຽນວິນກວາງເຫັນວ່າ, ໃນຫຼາຍປີມານີ້ພາຍໃຕ້ການຊີ້ນຳຂອງທິດທາງ"ໝັ້ນຄົງຍາວນານ ມຸ້ງໜ້າສູ່ອະນາຄົດ ມີມິດຕະພາບກັບປະເທດບ້ານໃກ້ເຮືອນຄຽງ ຮ່ວມມືຢ່າງຮອບດ້ານ", ການພົວພັນລະຫວ່າງຫວຽດນາມກັບຈີນໄດ້ຂະຫຍາຍຕົວຢ່າງຕໍ່ເນື່ອງ, ສອງຝ່າຍໄດ້ວາງກົນໄກຮ່ວມມືໃໝ່ໃນຂົງເຂດການເມືອງ ເສດຖະກິດ ຄວາມປອດໄພ ແລະວັດທະນະທຳ, ເພື່ອເປີດກວ້າງຂົງເຂດຮ່ວມມືແລະເພີ່ມທະວີປະສິດທິຜົນແຫ່ງການຮ່ວມມືຕື່ມອີກ.
ປະຈຸບັນ, ລັດຖະບານຈີນຫວຽດນາມໄດ້ສ້າງກົນໄກແລກປ່ຽນລະດັບຕ່າງໆ, ຮ່ວມມືອົບຮົມພະນັກງານຄຸ້ມຄອງ. ຄະນະກຳມະການຊີ້ນຳການຮ່ວມມືສອງຝ່າຍກໍ່ໄດ້ເສີມຂະຫຍາຍບົດບາດປະສານງານແລະຊີ້ນຳເປັນຢ່າງດີໃນຫຼາຍຂົງເຂດ. ໃນປີ2007, ມູນຄ່າການຄ້າສອງຝ່າຍມີເຖິງ15ຕື້ໂດລາ, ເຊິ່ງໄດ້ບັນລຸເປົ້າໝາຍທີ່ຜູ້ນຳສອງປະເທດຕົກລົງກັນນັ້ນກ່ອນເວລາກຳນົດສາມປີ. ບໍ່ພຽງແຕ່ເທົ່ານັ້ນ, ຈີນແລະຫວຽດນາມພວມຫາລືຈັດວາງແຜນການພັດທະນາຫ້າປີແຫ່ງການຮ່ວມມືເສດຖະກິດການຄ້າລະຫວ່າງຈີນກັບຫວຽດນາມ, ຕົກລົງຮ່ວມມືໃນໂຄງການຮ່ວມມືຂະໜາດໃຫຍ່ຈຳນວນໜຶ່ງ. ສອງຝ່າຍຍັງເລັ່ງໃຫ້ສຳເລັດການສຳຫຼວດຕັ້ງຫຼັກໝາຍຊາຍແດນທາງບົກທັງໝົດພາຍໃນປີນີ້, ແກ້ໄຂບັນຫາທີ່ຄົງຄ້າງມາແຕ່ປະຫວັດສາດ.
|
