|
ພາຍຫຼັງເກີດແຜ່ນດິນໄຫວແລ້ວ, ເຂດປະສົບໄພແຂວງເສສວນໄດ້ຮັບເງິນແລະເຄື່ອງຊ່ວຍກູ້ໄພຢ່າງຫຼວງຫຼາຍຈາກລັດຖະບານ ປະຊາຊົນແລະປະຊາຄົມໂລກ. ເພື່ອຮັບປະກັນໃຫ້ເງິນແລະເຄື່ອງກູ້ໄພເຫຼົ່ານີ້ໄດ້ຮັບການນຳໃຊ້ຢ່າງເໝາະສົມ, ປ້ອງກັນບໍ່ໃຫ້ມີການລະເມີດກົດໝາຍເກີດຂຶ້ນ, ແຂວງເສສວນໄດ້ເພີ່ມທະວິການຕິດຕາມຄຸ້ມຄອງ, ພະຍາຍາມເຮັດໃຫ້ການແຈກຢາຍແລະນຳໃຊ້ເງິນແລະເຄື່ອງກູ້ໄພໂປ່ງໃສແລະເປີດເຜີຍ. ຕາມຕົວເລກ, ນັບມາຮອດວັນທີ 29 ພຶດສະພານີ້, ແຂວງເສສວນໄດ້ຮັບເງິນກູ້ໄພແຜ່ນດິນໄຫວ 6 ຕື້ກວ່າຢວນ, ແລະເຄື່ອງກູ້ໄພຢ່າງຫຼວງຫຼາຍ.
ທ່ານເຢີນຈຸ້ນນຽນ ຮອງເລຂາຄະນະກວດກາແຂວງເສສວນຈີນກ່າວວ່າ,ເພື່ອປ້ອງກັນບໍ່ໃຫ້ມີການກະທຳທີ່ລະເມີດກົດໝາຍເກີດຂຶ້ນ, ແຂວງເສສວນໄດ້ຈັດເອົາພາກສ່ວນສຳຄັນແລະເຂດປະສົບໄພຮ້າຍແຮງກວ່າໝູ່ທີ່ໄດ້ຮັບເງິນແລະເຄື່ອງກູ້ໄພຫຼາຍກວ່າໝູ່ນັ້ນເປັນບ່ອນສຳຄັນໃນການຕິດຕາມກວດກາ, ໄດ້ຕິດຕາມຄຸ້ມຄອງຕະຫຼອດໄລຍະນັບຕັ້ງແຕ່ການຮັບແລະແຈກຢາຍເງິນແລະເຄື່ອງກູ້ໄພ. ທ່ານກ່າວວ່າ: "ຄະນະກວດກາຂອງແຂວງແລະພະແນກຕິດຕາມກວດກາຂອງແຂວງເສສວນໄດ້ສົ່ງໜ່ວຍຕິດຕາມກວດກາ 17 ໜ່ວຍໄປພາກສ່ວນສຳຄັນທີ່ຮັບຈ່າຍເງິນແລະເຄື່ອງຂອງຂັ້ນແຂວງ 11 ແຫ່ງ ແລະເຂດປະສົບໄພໜັກໜ່ວງ 6 ແຫ່ງ ເພື່ອຕິດຕາມຕະຫຼອດໄລຍະກ່ຽວກັບການຮັບເອົາແລະຢາຍເຄື່ອງກູ້ໄພ."
ພ້ອມນັ້ນ, ພາກສ່ວນຕິດຕາມກວດກາແຂວງເສສວນໄດ້ເພີ່ມການເກັບກຳແລະແກ້ໄຂການລາຍງານຂອງປະຊາຊົນ. ທ່ານເຢິນຈຸ້ນນຽນ ຮອງເວລາຄະນະກວດກາແຂວງເສສວນກ່າວວ່າ, ຕໍ່ການລະເມີດກົດໝາຍໃນໄລຍະກູ້ໄພ, ພາກສ່ວນທີ່ກ່ຽວຂ້ອງຂອງແຂວງເສສວນໄດ້ແກ້ໄຂຢ່າງວ່ອງໄວ, ແລະປະກາດຕໍ່ສັງຄົມຢ່າງທັນການ. ທ່ານກ່າວເນັ້ນເປັນພິເສດວ່າ, ພາກສ່ວນທີ່ກ່ຽວຂ້ອງຈະເດັດດ່ຽວສຳຫຼວດລົງໂທດເຈົ້າໜ້າທີ່ທ້ອງຖິ່ນທີ່ເອົາເຄື່ອງກູ້ໄພໄປໃຊ້ທາງອື່ນ.
ຖ້າປະກົດເຫັນພະນັກງານພັກແລະອົງການປົກຄອງນຳໃຊ້ສິດຕຳແຫນ່ງ,ເອົາຕູບຜ້າເຕັ້ນສຳລັບໃຫ້ປະຊາຊົນຜູ່ປະສົບໄພໄປໃຫ້ຍາດພີ່ນ້ອງຂອງເຂົາເຈົ້າໃຊ້,ພວກຂ້າພະເຈົ້າຈະສຳຫຼວດລົງໂທດຢ່າງເດັດຂາດ.
ນອກນີ້,ສຳນັກງານກວດກາບັນຊີແຫ່ງຊາດຈີນກໍໄດ້ສົ່ງພະນັກງານໄປກວດກາບັນຊີກ່ຽວກັບເງິນແລະເຄື່ອງຊ່ອຍເຫຼືອກູ້ໄພຢູ່ເຂດປະສົບໄພ ເສສວນ.ຂອບເຂດກວດກາເທື່ອນີ້ລວມທັງການຮັບເອົາ ເກັບຮັກສາ ການແຈກຢາຍແລະນຳໃຊ້ເງິນແລະເຄື່ອງຊ່ອຍເຫຼືອກູ້ໄພ.
ຢູ່ເຂດປະສົບໄພເສສວນ,ນັກຂ່າວໄດ້ເຫັນ,ການແຈກຢ່າຍເຄື່ອງຊ່ອຍເຫຼືອກູ້ໄພຢູ່ເຂດປະສົບໄພເປັນຮຽບຮ້ອຍດີ,ປະຊາ ຊົນສ່ວນຫຼາຍຢູ່ແຫ່ງນັ້ນໄດ້ຮັບເຄື່ອງຊ່ອຍເຫຼືອທີ່ເຂົາເຈົ້າຕ້ອງການ.ໃນເວລາແຈກຢາຍ,ມີພະນັກງານສະເພາະຈຳນວນຫນຶ່ງຮັບຜິດຊອບການຕິດຕາມກວດກາ ເຈົ້າຫນ້າທີ່ຂັ້ນຮາກຖານທີ່ຄຸ້ມຄອງແລະແຈກຢາຍເຄື່ອງຊ່ອຍເຫຼືອ,ແລະໄດ້ບັນທຶກສະພາບການແຈກປາຍຂອງເຄື່ອງຊ່ອຍເຫຼືອແຕ່ລະລາຍຢ່າງລະອຽດ. ພະນັກງານ ຮັກສາຄວາມສະຫງົບກໍໄດ້ສົ່ງພະນັກງານສະເພາະໄປຮັກສາບ່ອນເກັບມ້ຽນເຄື່ອງຊ່ອຍເຫຼືອຢ່າງເຄັ່ງຄັດ,ເພື່ອປ້ອງກັນບໍ່ໃຫ້ມີຜູ່ໃດເອົາເຄື່ອງຊ່ອຍເຫຼືອ ໄປໃຊ້ໃນທາງອື່ນໂດຍບໍ່ໄດ້ຮັບອະນຸຍາດ.
ຂ່າວແຈ້ງວ່າ,ເມືອງແລະນະຄອນຕ່າງໆທີ່ປະສົບໄພໃນເສສວນລ້ວນແຕ່ໄດ້ມີຂໍ້ກຳນົດການຄຸ້ມຄອງນຳໃຊ້ເງິນແລະເຄື່ອງຊ່ອຍເຫຼືອກູ້ໄພຢ່າງເຄັ່ງຄັດ.ເຈົ້າຫນ້າທີ່ແຂວງເສສວນກ່າວວ່າ,ໃນບາດກ້າວຕໍ່ໄປ,ພາກສ່ວນຕ່າງໆຂອງທ້ອງຖິ່ນເຊັ່ນ:ອຸດ ສາຫະກຳການຄ້າ ກວດສວບບັນຊີ ລາຄາສິນຄ້າ ພາກສ່ວນກວດກາຄຸນນະພາບແລະພາກສ່ວນຮັກສາຄວາມສະຫງົບເປັນຕົ້ນຈະຮ່ວມກັນໃຊ້ມາດຕະການ,ສືບຕໍ່ເພີ່ມທະວີການຕິດຕາມຄຸ້ມຄອງການແຈກຢາຍເງິນແລະເຄື່ອງຊ່ອຍເຫຼືອກູ້ໄພ, ລົງໂທດຢ່າງເຂັ້ມງວດຕໍ່ການກະທຳທີ່ລະເມີດກົດຫມາຍຕ່າງໆເຊັ່ນ:ລັກແຈກຢາຍແລະຂາຍເຄື່ອງກູ້ໄພ ກັກຕຸນ ສິນຄ້າເພື່ອສວຍໂອກາດຫາຜົນກຳໄລແລະກົງລາຄາສິນຄ້າເປັນຕົ້ນ,ພ້ອມກັນນັ້ນ,ກໍ່ສ້າງຕັ້ງລະບົບເຜີຍແຜ່ຂໍ້ມູນຂ່າວສານ,ເພື່ອເຮັດໃຫ້ການຮັບເອົາ ແຈກຢາຍແລະນຳໃຊ້ເງິນແລະເຄື່ອງຊ່ອຍເຫຼືອກູ້ໄພຢ່າງເປີດເຜີຍແລະໂປ່ງໃສ.
|
