|
|
 |
| (GMT+08:00)
2008-05-30 18:45:27
|
 |
|
ທ່ານຢາງເຈສືໄປຢາມໜ່ວຍແພດຕ່າງປະເທດທີ່ມາຊ່ວຍເຂດປະສົບໄພຂອງຈີນ
cri
|
ຕາມຂ່າວCRI,ວັນທີ30ພຶດສະພານີ້,ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໃນເວລາຮ່ວມກັບທ່ານລີມິງບັກ ປະທານາທິບໍດີສເກົາຫຼີໄປຢາມເຂດປະສົບໄພແຜ່ນດິນໄຫວ,ທ່ານໄດ້ຍາດເວລາໄປຢາມໜ່ວຍແພດຂອງອັງກິດ ກຸຍບາ ຍີ່ປຸ່ນແລະຣັດເຊຍທີ່ພວມຊ່ວຍເຫຼືອເຂດປະສົບໄພຢູ່ນະຄອນເສິງຕູ່.
ທ່ານຢາງເຈສືກ່າວວ່າ,ໃນເວລາທີ່ແຂວງເສສວນຈີນປະສົບໄພແຜ່ນດິນໄຫວຮ້າຍແຮງ,ປະຊາຄົມໂລກໃຫ້ການສະໜັບສະໜູນແລະຄວາມຊ່ວຍເຫຼືອອັນລ້ຳຄ່າ,ບາງປະເທດຍັງໄດ້ຟ້າວສົ່ງໜ່ວຍແພດໄປບ່ອນເກີດໄພພາຍໃນເວລາອັນສັ້ນໆ,ເຂົາເຈົ້າບໍ່ຢ້ານຄວາມອິດເມື່ອຍ,ກອບກູ້ແລະປິ່ນປົວຜູ່ບາດເຈັບ,ນີ້ໄດ້ສະແດງໃຫ້ເຫັນຢ່າງເຕັມທີ່ເຖິງມິດຕະພາບຂອງປະຊາຊົນປະເທດຕ່າງໆທີ່ມີຕໍ່ປະຊາຊົນຈີນແລະນ້ຳໃຈມະນຸດສະທຳອັນສູງສົ່ງຢ່າງເຕັມທີ່,ໄດ້ປະກອບສ່ວນອັນຕັ້ງໜ້າເຂົ້າໃນການກູ້ໄພຂອງຈີນ.ຄວາມສາມາດໃນການປິ່ນປົວທີ່ມີສູງແລະນ້ຳໃຈເຄົາລົບໜ້າທີ່ວຽກງານຂອງພວກທ່ານໄດ້ຮັບການຢືນຢັນແລະຄວາມຍ້ອງຍໍຈາກຜູ່ບາດເຈັບໃນເຂດປະສົບໄພແລະພະນັກງານແພດໝໍຂອງຈີນ.ຂ້າພະເຈົ້າຂໍຕາງໜ້າລັດຖະບານຈີນແລະປະຊາຊົນຈີນສະແດງຄວາມຂອບອົກຂອບໃຈຢ່າງຈິງໃຈແລະຄວາມຢື້ຢາມຖາມຂ່າວຢ່າງສະໜິດສະໜົມຕໍ່ພວກທ່ານ.
|
|
|
