|
|
 |
| (GMT+08:00)
2008-05-30 18:52:47
|
 |
|
ສ.ປ.ປເກົາຫຼີຮຽກຮ້ອງໃຫ້ສ.ເກົາຫຼີຢຸດແຈກຢາຍໃບໂຄສະນາຢູ່ສ.ປ.ປເກົາຫຼີ
cri
ຕາມຂ່າວສານຊິ່ນຮວາ: ວັນທີ 30 ພຶດສະພານີ້, ຫົວໜ້າຄະນະຜູ້ແທນສ.ປ.ປເກົາຫຼີຂອງການເຈລະຈາວຽກງານການທະຫານລະຫວ່າງສ.ເກົາຫຼີກັບສ.ປ.ປເກົາຫຼີໄດ້ອອກປະກາດແຈ້ງການໃຫ້ຝ່າຍສ.ເກົາຫຼີ, ຮຽກຮ້ອງໃຫ້ສ.ເກົາຫຼີຢຸດເຊົາການແຈກຢາຍໃບໂຄສະນາຕໍ່ສ.ປ.ປເກົາຫຼີໃນທັນທີ.
ຂ່າວສານສູນກາງສ.ປ.ປເກົາຫຼີນຳເອົາຄວາມເວົ້າຂອງຫົວໜ້າຄະນະຜູ້ແທນທີ່ບໍ່ຍອມເຜີຍຊື່ດັ່ງກ່າວມາເວົ້າວ່າ, ນັບມາຮອດທ້າຍເດືອນພຶດສະພານີ້, ສ.ເກົາຫຼີນຳໃຊ້ວິທີຕ່າງໆ,ເຊັ່ນ: ປ່ອຍໝາກປູມເປົ້າເປັນຕົ້ນ, ແຈກຢາຍໃບໂຄສະນາຕ່າງໆຢູ່ຫຼາຍສິບເຂດທີ່ໃກ້ກັບເສັ້ນຂີດແບ່ງທາງການທະຫານ, ໃສ່ຮ້າຍປ້າຍສີຕໍ່ລະບອບສັງຄົມຂອງສ.ປ.ປເກົາຫຼີ.
ຫົວໜ້າຄະນະຜູ້ແທນຜູ້ນີ້ກ່າວວ່າ, ການກະທຳຂອງສ.ເກົາຫຼີແບບນີ້ໄດ້ລະເມີດສົນທິສັນຍາຢຸດເຊົາສົງຄາມຈິດໃຈແລະການເຄື່ອນໄຫວເປັນປໍລະປັກກັນທຸກຢ່າງທີ່ສອງຝ່າຍເຊັນກັນໃນເມື່ອກ່ອນ, ເຮັດໃຫ້ສະຖານະການແຫຼມເກົາຫຼີດຸເດືອດຂຶ້ນ, ແມ່ນການທະທຳທີ່ທຳລາຍຄວາມປອງດອງຊາດ, ການຮ່ວມມືແລະຄວາມເປັນເອກະພາບ.
ທ່ານຮຽກຮ້ອງໃຫ້ສ.ເກົາຫຼີໃຊ້ມາດຕະການໃນທັນທີເພື່ອຢຸດການກະທຳດັ່ງກ່າວ, ຂໍໂທດນຳສ.ປ.ປເກົາຫຼີແລະລົງໂທດຜູ້ກ່ຽວ. ຖ້າບໍ່ດັ່ງນັ້ນ, ສ.ເກົາຫຼີຈະຕ້ອງຮັບຜິດຊອບນຳຜົນຮ້າຍຢ້ອນຫຼັງທຸກຢ່າງ.
|
|
|
