|
|
 |
| (GMT+08:00)
2008-05-31 17:36:11
|
 |
|
ຈີນຈະນຳໃຊ້ວິທະຍາສາດເຕັກໂນໂລຊີທີ່ກ້າວໜ້າຕ້ານໄພກູ້ໄພແຜ່ນດິນໄຫວ
cri
Author: cai
ຕາມຂ່າວສານຊີນຮວາ:ຫວ່າງກ່ອນນີ້,ທ່ານຮູຍລຽງຢູ້ ກຳມະການກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີຈີນ ຮອງຜູ້ບັນຊາການກອງບັນຊາການໃຫຍ່ຕ້ານໄພກູ້ໄພກ່າວເນັ້ນວ່າ,ອົງການປົກຄອງຂອງເຂດປະສົບໄພແລະພາກສ່ວນທີ່ກ່ຽວຂ້ອງຕ້ອງຮັບຟັງຄວາມເຫັນຂອງຜູ້ຊ່ຽວຊານຢ່າງເຕັມທີ່,ເຄົາລົບກົດເກນພາວະວິໄສ,ນຳໃຊ້ວິທະຍາສາດເຕັກໂນໂລຊີທີ່ກ່າວໜ້າ,ຕ້ານໄພກູ້ໄພແຜ່ນດິນໄຫວ.
ທ່ານກ່າວເນັ້ນວ່າ,ປະຈຸບັນ,ໜ້າທີ່ກູ້ໄພຍັງໜັກຫຼາຍ.ການກຳຈັດຄວາມອັນຕະລາຍຢູ່ເວີງນ້ຳຫົ້ງ ການປ້ອງກັນໄພທຳມະຊາດຕາມມາ ການປະເມີນລະດັບປະສົບໄພແຜ່ນດິນໄຫວ ການຈັດວາງປະຊາຊົນ ການຟື້ນຟູການຜະລິດຜົນ ການວາງແຜນສ້າງບ້ານແປງເມືອງຄືນໃໝ່ແລະດ້ານອື່ນໆ,ລ້ວນແຕ່ຕ້ອງຮັບຟັງຄວາມເຫັນຂອງຜູ້ຊ່ຽວຊານຢ່າງເຕັມທີ່.ຜູ້ຊ່ຽວຊານບັນດາທ່ານກໍບໍ່ຜິດຫວັງຂອງຄົນທັງຫຼາຍ,ສືບຕໍ່ລົງສູ່ພາກຕົວຈິງ,ຄົ້ນຄວ້າຢ່າງລະອຽດ,ວາງຂໍ້ສະເໜີທີ່ມີເປົ້າໝາຍແລະຄວາມເປັນໄປໄດ້ສູງໃຫ້ຫຼາຍກວ່າເກົ່າ.
ວັນທີ 30 ພຶດສະພານີ້,ໃນເວລາທ່ານຮູຍລຽງຢູ້ໄປຢ້ຽມຢາມພະນັກງານໃນລະບົບປະຊາສົງເຄາະແຂວງເສສວນ,ທ່ານກ່າວວ່າ,ໃນໄລຍະຕໍ່ໜ້ານີ້,ພາກສ່ວນປະຊາສົງເຄາະຂັ້ນຕ່າງໆຕ້ອງເຮັດວຽກຢ່າງລະອຽດແລະຕິດແທດຕົວຈິງກວ່າເກົ່າເພື່ອຈັດວາງປະຊາຊົນທີ່ປະສົບໄພໃຫ້ດີ,ແກ້ໄຂບັນຫາກິນເຂົ້າ ດື່ມນ້ຳ ເສື້ອນຸ່ງຜ້າຫົ່ມແລະບ່ອນພັກຊົ່ວຄາວຂອງປະຊາຊົນທີ່ປະສົບໄພຢ່າງຈິງຈັງ,ພ້ອມກັນນັ້ນ,ຕ້ອງຄຸ້ມຄອງແລະນຳໃຊ້ເງິນແລະວັດຖຸກູ້ໄພໃຫ້ດີ.
|
|
|
