|
|
 |
| (GMT+08:00)
2008-05-31 17:49:14
|
 |
|
ໜ່ວຍແພດໝໍຈີນສຳເລັດໜ້າທີ່ຢ່າງຈົບງາມແລ້ວຈາກມຽນມາກັບຄືນປະເທດ
cri
Author: cai
ຕາມຂ່າວສານຈີນ:ໜ່ວຍແພດໝໍຈີນທີ່ໄປຊ່ວຍເຫຼືອມຽນມາໄດ້ສຳເລັດໜ້າທີ່ຢ່າງຈົບງາມ,ວັນທີ 31 ພຶດສະພານີ້,ໄດ້ກັບຄືນປະເທດຢ່າງສະດວກ.
ພາຍຫຼັງມຽນມາໄດ້ປະສົບໄພລົມພາຍຸແຖບຮ້ອນອັນຮ້າຍແຮງແລ້ວ,ໂດຍຕອບສະໜອງການເຊື້ອເຊີນຂອງລັດຖະບານມຽນມາ,ລັດຖະບານຈີນໄດ້ສົ່ງໜ່ວຍແພດໝໍໄປຊ່ວຍເຫຼືອມຽນມາພາຍໃຕ້ສະຖານະການກູ້ໄພແຜ່ນດິນໄຫວພາຍໃນປະເທດຂ້ຽວຂາດທີ່ສຸດ.ໜ່ວຍແພດໝໍປະກອບດ້ວຍແພດໝໍ 50 ຄົນທີ່ຊຳນານການປ້ອງກັນ ຄວບຄຸມແລະປິ່ນປົວພະຍາດພາຍຫຼັງໄພທຳມະຊາດຢູ່ແຖບຮ້ອນ,ເຂົາເຈົ້າແມ່ນເດີນທາງໄປມຽນມາໃນວັນທີ 18 ພຶດສະພານີ້.
ນັບມາຮອດວັນທີ 28 ພຶດສະພານີ້,ໜ່ວຍແພດໝໍຈີນໄດ້ປິ່ນປົວພະຍາດໃຫ້ປະຊາຊົນມຽນມາທີ່ປະສົບໄພ 2908 ຄົນ,ໄດ້ປິ່ນປົວ ປ້ອງກັນແລະດັດເຊື້ອພະຍາດໃນເຂດບໍລິເວນທີ່ມີເສັ້ນຜ່ານກາງ 32 ກິໂລແມັດ.
ວຽກງານຂອງໜ່ວຍແພດໝໍຈີນໄດ້ຮັບການຍ້ອງຍໍໃນລະດັບສູງຈາກລັດຖະບານແລະປະຊາຊົນມຽນມາ,ໜ່ວຍແພດໝໍໄປຮອດບ່ອນໃດ,ປະຊາຊົນຢູ່ບ່ອນນັ້ນກໍພາກັນມາຕ້ອນຮັບ,ແລະຮ້ອງຊົມເຊີຍວ່າ"ຈີນ!ຈີນ!".
|
|
|
