|
|
 |
| (GMT+08:00)
2008-06-01 17:14:36
|
|
ກອງປະຊຸມລັດຖະມົນຕີການຄ້າອາເປັກໄຂຂຶ້ນຢູ່ເປຣູ
cri
Author: cai
ຕາມຂ່າວສານຊີນຮວາ:ວັນທີ 31 ພຶດສະພານີ້,ກອງປະຊຸມລັດຖະມົນຕີການຄ້າອົງການອາເປັກໄດ້ໄຂຂຶ້ນຢູ່ອາເຣຄູຍພານ ເທດສະບານແຂວງອາເຣຄູຍພານ ພາກໃຕ້ເປຣູ.
ລັດຖະມົນຕີການຄ້າຫຼືເຈົ້າໜ້າທີ່ອາວຸໂສຂອງ 21 ສະມາຊິກອົງການອາເປັກພ້ອມທັງຜູ້ແທນຂອງອົງການການຄ້າໂລກລວມ 200 ກວ່າຄົນໄດ້ເຂົ້າຮ່ວມກອງປະຊຸມເທື່ອນີ້.ຄະນະຜູ້ແທນຈີນທີ່ນຳໂດຍທ່ານເຊີນເຕີມີງ ລັດຖະມົນຕີວ່າການກະຊວງການຄ້າຈີນກໍໄດ້ເຂົ້າຮ່ວມກອງປະຊຸມ.
ກ່ອນໄຂກອງປະຊຸມ,ນາງເມເຊເດັສ ອາຣາວສ໌ ລັດຖະມົນຕີວ່າການກະຊວງການຄ້າກັບຕ່າງປະເທດແລະການທ່ອງທ່ຽວເປຣູໃຫ້ສຳພາດຕໍ່ນັກຂ່າວວ່າ,ໃນກອງປະຊຸມພາຍໃນທີ່ເປັນເວລາ 2 ມື້,ຜູ້ຮ່ວມປະຊຸມຈະເຈາະຈົງຫາລືບັນຫາຕ່າງໆເຊັ່ນ ລາຄາອາຫານແພງຂຶ້ນຮອບດ້ານຍ້ອນວິກິດການສະບຽງອາຫານຂອງໂລກ ການດັດແປງເງື່ອນໄຂອະນຸຍາດໃຫ້ເຂົ້າຕະຫຼາດຂອງສະມາຊິກອົງການອາເປັກແລະການຊຸກຍູ້ການເຈລະຈາຮອບໂດຮາຂອງອົງການການຄ້າໂລກຢ່າງຕັ້ງໜ້າເປັນຕົ້ນ.
|
|
|
