|
ວັນທີ1ມິຖຸນາ,ໂຮງຮຽນພາສາຕ່າງປະເທດເມືອງກວາງຢວນແຂວງເສສວນ ທີ່ເປັນເຂດປະສົບໄພແຜ່ນດິນໄຫວໄດ້ຈັດກິດຈະກຳສະຫຼອງວັນເດັກນ້ອຍສາກົນ
ຕາມຂ່າວCRI,ຢູ່ບ່ອນພັກຊົ່ວຄາວທີ່ຊື່ວ່າ"ບ້ານເອື້ອອາທອນ"ໃນເຂດພັດທະນາເສດຖະກິດນະຄອນເສິງຕູ່ຂອງຈີນ,ມີປະຊາຊົນຜູ່ປະສົບໄພທີ່ມາຈາກເມືອງຊິງຊວນ ເມືອງເວີ້ນຊວນ ເມືອງເຕີຢາງ ແລະນະຄອນຕູ່ຈ່ຽງຢ້ຽນເປັນຕົ້ນປະມານ700ກວ່າຄົນ,ໃນນັ້ນ,ຜູ່ທີ່ຍັງບໍ່ທັນເຕັມກະສຽນອາຍຸມີ100ກວ່າຄົນ.
ເພື່ອໃຫ້ເດັກນ້ອຍເຫຼົ່ານີ້ສະຫຼອງວັນເດັກນ້ອຍສາກົນຢ່າງເບີກບານມ່ວນຊື່ນ,ບ້ານເອື້ອອາທອນໄດ້ສົ່ງຂອງຂວັນໃຫ້ເດັກນ້ອຍທັງຫຼາຍ.ຜູ່ເຖົ້າຜູ່ໜຶ່ງທີ່ມາຈາກຕາແສງອີ້ງຊິ້ວ ເບິ່ງຫຼານນ້ອຍຂອງຕົນທີ່ອາຍຸ3ຂວບພວມກິນມັນຝະຣັ່ງຈືນຢ່າງມ່ວນຊື່ນ,ເພິ່ນບອກນັກຂ່າວວ່າ:"ໃນວັນເດັກນ້ອຍສາກົນ1ມີຖຸນາ,ເພິ່ນຢາຍກະເປົາໜັງສື ເຄື່ອງນຸ່ງ ຂອງກິນໃຫ້ພວກຫຼານນ້ອຍ,ເວົ້າສຳລັບຫຼານຂ້ອຍແລ້ວ,ລາວບໍ່ຮູ້ວ່າແຜ່ນດິນໄຫວແມ່ນຫຍັງ?ຍັງຫຼີ້ນມ່ວນຄືເກົ່າ."
"ບ້ານເອື້ອອາທອນ"ຍັງຈັດລາຍງານພິເສດໃຫ້ພວກຫຼານນ້ອຍໂດຍສະເພາະ.ໃນວັນເດັກນ້ອຍສາກົນ,ເດັກນ້ອຍໃນບ່ອນພັກຊົ່ວຄາວແຫ່ງນີ້ຈະໂທລະສັບລົມກັບທ້າວຢາວມິງ ດາລາບານບ້ວງທີ່ຢູ່ອາເມລິກາ.
ນາງໂກ່ວເສຢູ ນັກຮຽນຜູ່ໜຶ່ງຫວັງວ່າເມື່ອໃຫຍ່ ແລ້ວຢາກເປັນນັກຮ້ອງເພງ.ນາງໄດ້ຮ້ອງເພງທີ່ຊື່ວ່າ"ຕ້າຈົ່ງກົວະ ປະເທດຈີນໃຫຍ່"ເນື້ອຮ້ອງມີຢູ່ວ່າ: ພວກເຮົາມີຄອບຄົວໜຶ່ງຊື່ວ່າ"ຈີນ"…..
ວັນທີ1ມິຖຸນາ,ໂຮງຮຽນພາສາຕ່າງປະເທດເມືອງກວາງຢວນແຂວງເສສວນ ທີ່ເປັນເຂດປະສົບໄພແຜ່ນດິນໄຫວໄດ້ຈັດກິດຈະກຳສະຫຼອງວັນເດັກນ້ອຍສາກົນ
1 2 3
|
