|
|
 |
| (GMT+08:00)
2008-06-02 11:55:13
|
 |
|
ວິສາຫະກິດທີ່ປະສົບໄພຂອງແຂວງເສສວນເລີ່ມຟື້ນຟູການຜະລິດຄືນໃໝ່
cri
Author: cai
ຕາມໜັງສືພິມ《ເຢີນມີນຢື້ປ້າວ》:ປະຈຸບັນ,ວິສາຫະກິດຂອງແຂວງເສສວນທີ່ໄດ້ປະສົບໄພໃນແຜ່ນດິນໄຫວຮ້າຍແຮງເມືອງເວິ້ນຊ່ວນໄດ້ເລີ່ມຟື້ນຟູການຜະລິດຄືນໃໝ່ແລ້ວ.
ສະຖິຕິສະແດງໃຫ້ເຫັນວ່າ,ໃນແຜ່ນດິນໄຫວເທື່ອນີ້,ຢູ່ແຂວງເສສວນ,ມີວິສາຫະກິດອຸດສາຫະກຳ 2 ໝື່ນກວ່າແຫ່ງປະສົບໄພ,ຄວາມເສຍຫາຍດ້ານເສດຖະກິດໂດຍກົງມີເຖິງ 67 ຕື້ຢວນ.
ປະຈຸບັນ,ວິສາຫະກິດຈຳນວນຫຼວງຫຼາຍໄດ້ເລີ່ມຟື້ນຟູການຜະລິດຄືນໃໝ່ແລ້ວ.ນັບມາຮອດວັນທີ 27 ພຶດສະພາແລ້ວນີ້,ວິສາຫະກິດທີ່ເຂົ້າຕະຫຼາດຫຸ້ນຂອງແຂວງເສສວນລ້ວນແຕ່ໄດ້ຟື້ນຟູການຜະລິດແລ້ວ,ຍ້ອນມີແຮງສັ່ນສະເທືອນຕາມມາເກີດຂຶ້ນເລື້ອຍໆ,ວິສາຫະກິດຈຳນວນໜຶ່ງໄດ້ສຳເລັດການກວດກາແລະສ້ອມແປງເຄື່ອງຈັກແລະການຮັກສາຫ້ອງຈັກແລະພື້ນຖານໂຄງລ່າງໄດ້ເປັນຢ່າງດີ.
ຫວ່າງມໍ່ໆນີ້,ກະຊວງການເງິນແລະກົມໃຫຍ່ສ່ວນສາອາກອນຈີນໄດ້ອອກແຈ້ງການກ່ຽວກັບບັນຫາເກັບສ່ວນສາອາກອນຫຼັງໄພທຳມະຊາດຢ່າງຈິງຈັງ;ກົມໃຫຍ່ອຸດສາຫະກຳການຄ້າໄດ້ວາງມາດຕະການ 12 ຢ່າງທີ່ສະໜັບສະໜູນເຂດປະສົບໄພຟື້ນຟູການຜະລິດຜົນ ຈັດວາງຕະຫຼາດໃຫ້ດີ.ທັງໝົດເຫຼົ່ານີ້ລ້ວນແຕ່ຈະສ້າງສະພາບແວດລ້ອມອັນດີງາມໃຫ້ການຟື້ນຟູຕົນເອງຂອງວິສາຫະກິດທີ່ປະສົບໄພ.
|
|
|
