|
|
 |
| (GMT+08:00)
2008-06-02 12:08:38
|
 |
|
ພາກສ່ວນກະສິກຳ ຊົນລະປະທານແລະຊາວກະສິກອນຂອງເຂດປະສົບໄພແຜ່ນດິນໄຫວຕັ້ງໜ້າດຳເນີນການຜະລິດເພື່ອຟື້ນຟູຕົນເອງ
cri
Author: cai
ຕາມໜັງສືພິມ《ເຢີນມີນຢື້ປ້າວ》:ໃນຫຼາຍມື້ມານີ້,ພາກສ່ວນກະສິກຳ ຊົນລະປະທານແລະຊາວກະສິກອນຂອງເຂດປະສົບໄພແຜ່ນດິນໄຫວໄດ້ຕັ້ງໜ້າດຳເນີນການຜະລິດເພື່ອຟື້ນຟູຕົນເອງ.
ເພື່ອແກ້ໄຂບັນຫາທີ່ເກີດຂຶ້ນຢູ່ເຂດປະສົບໄພແຂວງເສສວນທີ່ຂາດນ້ຳຍ້ອນແຜ່ນດິນໄຫວແລະນານ້ຳສ່ວນໜຶ່ງຕ້ອງປ່ຽນເປັນສວນ,ກະຊວງກະສິກຳຈີນໄດ້ຕິດຕໍ່ປະສານງານກັບວິສາຫະກິດແນວພັນພືດຂະໜາດໃຫຍ່ 20 ກວ່າແຫ່ງ,ໃຫ້ສົ່ງແນວພັນສາລີ 1 ໝື່ນກວ່າໂຕນແລະແນວພັນຜັກເຊັ່ນຜັກກາດຂາວ ຜັກກາດຫົວ 500 ກວ່າໂຕນໄປເຂດປະສົບໄພໂດຍດ່ວນ.
ນັບມາຮອດວັນທີ 24 ພຶດສະພາແລ້ວນີ້,ແຂວງເສສວນໄດ້ເກັບກ່ຽວເຂົ້າບະເລກວມເນື້ອທີ່ທີ່ຄວນເກັບກ່ຽວ 92%,ຜັກນ້ຳມັນ 9 ແສນເຮັກຕາໃນທົ່ວແຂວງໄດ້ເກັບກ່ຽວເກືອບໝົດແລ້ວ;ໄດ້ປູກເຂົ້ານານ້ຳກວມເນື້ອທີ່ໃນແຜນ 78%.ທົ່ວແຂວງອາດຈະສຳເລັດການປູກແລະການເກັບກ່ຽວດ່ວນກ່ອນວັນທີ 5 ມິຖຸນານີ້.
ແຜ່ນດິນໄຫວຮ້າຍແຮງເຮັດໃຫ້ລະບົບຊົນລະປະທານຂອງເຂດປະສົບໄພຖືກທຳລາຍຢ່າງໜັກໜ່ວງ.ພາກສ່ວນຊົນລະປະທານໄດ້ສ້ອມແປງໂດຍດ່ວນ,ປະຈຸບັນ,ແຂວງຕ່າງໆທີ່ປະສົບໄພໄດ້ຟື້ນຟູການສະໜອງນ້ຳທີ່ສາມາດເປັ່ງນ້ຳເຂົ້ານາໄດ້ 80% ແລ້ວ.
|
|
|
