|
ຕາມຂ່າວສານຊິນຮວາ: ພາຍຫຼັງໄດ້ສິ້ນສຸດການສຳຫຼວດເຂດປະສົບໄພແຜ່ນດິນໄຫວຢູ່ແຂວງສ້ານຊີ່ທີ່ໃກ້ກັບແຂວງເສສວນແລ້ວ,ວັນທີ1ມິຖຸນານີ້ ທ່ານຫູຈິນທາວ ປະທານປະເທດຈີນໄປຮອດເມືອງໂຫຼງນານແຂວງກັ່ນຊູ້,ພົບກັບພະນັກງານແລະປະຊາຊົນຢູ່ເຂດປະສົບໄພປຶກສາຫາລືກັນກ່ຽວກັບການຟື້ນຟູການສ້າງສາຄືນໃໝ່ຫຼັງໄພພິບັດ.
ເມືອງໂຫຼງນານແມ່ນເຂດໜຶ່ງຂອງແຂວງກັ່ນຊູ້ທີ່ໃກ້ທີ່ສຸດກັບເມືອງເວີ້ນຊ່ວນແຂວງເສສວນ,ປະສົບໄພແຜ່ນດິນໄຫວຢ່າງໜັກໜ່ວງຫຼາຍ.
ທ່ານຫູຈິນທາວຂີ່ລົດຜ່ານທາງພູທີ່ບໍ່ຮາບພຽງ ລົງສຳຫຼວດຊົນນະບົດທີ່ປະສົບໄພຮ້າຍແຮງ.ທ່ານຫູຈິນທາວໄດ້ເນັ້ນໃຫ້ພະນັກງານທ້ອງຖິ່ນວ່າຕ້ອງອອກແບບໃຫ້ດີໃນເວລາສ້າງສາຄືນໃໝ່,ເອົາໃຈໃສ່ຍົກສູງລະດັບຕ້ານແຮງສັ່ນສະເທືອນຂອງເຮືອນຢູ່,ແກ້ໄຂບັນຫານ້ຳໃຊ້ຂອງປະຊາຊົນໃຫ້ດີ.
ທ່ານຫູຈິນທາວລະດົມນ້ຳໃຈປະຊາຊົນຜູ່ປະສົບໄພດຳເນີນການຜະລິດຜົນແລະຊ່ວຍຕົນເອງໃຫ້ດີ,ສ້າງບ້ານແປງເມືອງທີ່ຈົບງາມດ້ວຍມື້ຕົນເອງ.
ທ່ານຫູຈິນທາວຍັງໄປຢ້ຽມຢາມໜ່ວຍແພດຂອງປາກີສະຖານທີ່ພວມຊ່ວຍປິ່ນປົວປະຊາຊົນຜູ່ໄດ້ຮັບບາດເຈັບ,ທ່ານໄດ້ຕາງໜ້າລັດຖະບານແລະປະຊາຊົນຈີນສະແດງຄວາມຂອບໃຈອັນຈິງໃຈຕໍ່ພວກເຂົາເຈົ້າ.
|
