|
|
 |
| (GMT+08:00)
2008-06-02 15:33:42
|
 |
|
ຜູ່ບາດເຈັບ 1 ຫມື່ນກວ່າຄົນຢູ່ເຂດປະສົບແຜ່ນດິນໄຫວເສສວນໄດ້ຖືກສົ່ງໄປປິ່ນປົວຢູ່ແຫ່ງອື່ນໆ
cri
ຕາມຂ່າວສານຊີນຮວາ:ນັບມາຮອດວັນທີ 31 ພຶດສະພາແລ້ວນີ້, ເຂດແຜ່ນດິນໄຫວຂອງແຂວງເສສວນໄດ້ມີຜູ່ບາດເຈັບ 1 ຫມື່ນກວ່າຄົນຖືກສົ່ງໄປຮັບການປິ່ນປົວຢູ່ 20 ແຂວງ ເຂດປົກຄອງຕົນເອງແລະກຳແພງນະຄອນຂອງທົ່ວປະເທດຈີນ.
ວັນທີ 2 ມິຖຸນານີ້ ໃນເວລາໃຫ້ສຳພາດຕໍ່ແວັບໄຊລັດຖະບານຈີນ, ທ່ານຫມາວຊຸນອ່ານ ໂຄສົກຂອງກະຊວງສາທາລະນະສຸກຈີນກ່າວວ່າ, ເພື່ອຜ່ອນຄາຍຄວາມກົດດັນທາງດ້ານການປິ່ນປົວຜູ່ບາດເຈັບຂອງແຂວງເສສວນ,ນັບແຕ່ວັນທີ 17 ຫາວັນທີ 31 ມິຖຸນາ, ແພດຫມໍ 5000 ກວ່າຄົນໄດ້ສົ່ງຜູ່ບາດເຈັບໄປປິ່ນປົວຢູ່ໂຮງຫມໍ 340 ກວ່າແຫ່ງໃນທົ່ວປະເທດໂດຍຜ່ານລົດໄຟຂະບວນສະເພາະ 21 ຂະບວນ ຍົນສະເພາະ 99 ລຳແລະລົດພະຍາບານຫມື່ນກວ່າເທື່ອຄັນ.
ທ່ານຫມາວຊຸນອ່ານກ່າວວ່າ, ການສົ່ງຜູ່ບາດເຈັບໄປປິ່ນປົວຢູ່ຕ່າງແຂວງໄດ້ສ້າງເງື່ອນໄຂທີ່ມີຜົນດີຕໍ່ການປົວແປງເງື່ອນໄຂປິ່ນປົວ ປ້ອງກັນສຸກຂະພາບຂອງຜູ່ບາດເຈັບ,ຜ່ອນຄາຍຄວາມກົດດັນດ້ານການປິ່ນປົວຂອງແຂວງເສສວນແລະຊຸກຍູ້ການສ້າງສາຄືນໃຫມ່.
|
|
|
