|
ປັດຈຸບັນເສດຖະກິດຈີນເຕີບໂຕຊ້າລົງ,ແຕ່ບໍ່ໄດ້ຕົກຕ່ຳລົງຫລາຍ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ຫນ່ວຍວິເຄາະເສດຖະກິດຂອງທະນາຄານປະຊາຊົນຈີນ ເຊິ່ງເປັນທະນາຄານກາງຂອງຈີນໄດ້ກ່າວວ່າ, ຍ້ອນຖືກກະທົບຈາກປັດໄຈບໍ່ແນ່ນອນຕ່າງໆທີ່ເກີດຂຶ້ນໃນການພັດທະນາເສດຖະກິດພາຍໃນແລະຕ່າງປະເທດ,ປັດຈຸບັນ ເສດຖະກິດຈີນໄດ້ເຕີບໂຕຊ້າລົງຫນ້ອຍຫນຶ່ງ, ແຕ່ບໍ່ໄດ້ຕົກຕ່ຳລົງຫລາຍດັ່ງທີ່ຕະຫລາດເປັນຫ່ວງ.
ແຕ່ປີນີ້ມາ, ເສດຖະກິດຈີນໄດ້ປະເຊີນກັບສິ່ງທ້າທາຍຫລາຍຢ່າງ.ແຜ່ນດິນໄຫວແຮງທີ່ເກີດຂຶ້ນຢູ່ເມືອງເວີ້ນຊ່ວນແຂວງເສສວນຈີນໃນຫວ່າງແລ້ວນີ້ກໍ່ໄດ້ນຳເອົາປັດໄຈບໍ່ແນ່ນອນອັນໃຫມ່ມາໃຫ້ການພັດທະນາເສດຖະກິດຂອງຈີນ,ແຕ່ຈະບໍ່ປ່ຽນແປງສະພາບພື້ນຖານຂອງເສດຖະກິດມະຫາພາກຂອງຈີນ.
ຫນ່ວຍວິເຄາະດັ່ງກ່າວກ່າວວ່າ, ຜົນກະທົບຮ້າຍແຮງທີ່ສຸດຂອງແຜ່ນ ດິນໄຫວເທື່ອນີ້ທີ່ມີຕໍ່ເສດຖະກິດຈີນແມ່ນ: ການສ້າງສາຄືນໃຫມ່ຫລັງໄພພິ ບັດຈະເລັ່ງລັດການເຕີບໂຕຂອງການລົງທຶນໃນຂະແຫນງອະສັງຫາລິມະຊັບ,ແລະຈະມີແຮງກົດດັນທາງດ້ານເງິນເຟີ້ໃນໄລຍະສັ້ນ;ແຜ່ນດິນໄຫວກໍ່ຈະເຮັດໃຫ້ລາຄາສິນຄ້າໃນປະຈບັນສູງຂຶ້ນອີກ,ແຕ່ສັງເກດຈາກບົດຮຽນຂອງແຜ່ນດິນໄຫວຍີ່ປຸ່ນແລ້ວເຫັນວ່າ, ການກະທົບຂອງແຜ່ນດິນໄຫວທີ່ມີຕໍ່ດັດສະນີບໍລິໂພກຫລື CPI ພຽງຢູ່ໃນໄລຍະສັ້ນໆທໍ່ນັ້ນ.
|
|
