|
|
 |
| (GMT+08:00)
2008-06-03 10:30:17
|
 |
|
ປະຊາຄົມໂລກຄັດຄ້ານອິສລາແອນຂະຫຍາຍບ່ອນຕັ້ງຖີ່ນຖານໃຫມ່
cri
ຕາມຂ່າວ CRI:ວັນທີ 1 ມິຖຸນານີ້ ອິສລາແອນໄດ້ປະກາດສ້າງເຮືອນຢູ່ໃຫມ່ 800 ກວ່າຊຸດຢູ່ເຢລູຊາເລັມຕາເວັນອອກ,ເຮັດໃຫ້ປາເລັສຕິນບໍ່ພໍໃຈຢ່າງຮຸນແຮງ.ວັນທີ 2 ມິຖຸນານີ້ ປະຊາຄົມໂລກກໍ່ໄດ້ສະແດງຄວາມຄັດຄ້ານຕໍ່ເລື່ອງນີ້.
ໃນເວລາເຈລະຈາກັບທ່ານເອຮຸດ ໂອເມີດ ນາຍົກລັດຖະມົນຕີອິສລາແອນ, ທ່ານມາມຸດ ອາບັສ ປະທານອົງການອຳນາດແຫ່ງຊາດປາເລັສຕິນຮຽກຮ້ອງໃຫ້ລັດຖະບານອິສລາແອນຈົ່ງເຊົາຂະຫຍາຍບ່ອນຕັ້ງຖີ່ນຖານໃຫມ່ຂອງຊາວຢິວ.ຕອນເຊົ້າວັນທີ 2 ມິຖຸນານີ້,ທ່ານອາບັສກ່າວວ່າ, ອິສລາແອນຂະຫຍາຍບ່ອນຕັ້ງຖີ່ນຖານແມ່ນອຸປະສັກສຳຄັນທີ່ຂັດຂວາງບໍ່ໃຫ້ປາເລັສຕິນອິສລາແອນມີສັນຕິພາບ.
ວັນທີ 2 ມິຖຸນານີ້, ທ່ານບານກີມູນ ເລຂາທິການໃຫຍ່ສະຫະປະຊາຊາດໄດ້ອອກຖະແຫລງການກ່າວວ່າ, ລັດຖະບານອິສລາແອນຂະຫຍາຍບ່ອນຕັ້ງຖີ່ນຖານຢູ່ດິນແດນທີ່ຖືກຍຶດຄອງຂອງປາເລັສຕິນໄດ້ຝ່າຝືນກົດຫມາຍລະຫວ່າງຊາດ.
ນາງດານາ ເພຣີໂນ ໂຄສົກທຳນຽບຂາວອາເມລິກາກ່າວວ່າ, ອາເມລິກາຄັດຄ້ານອິສລາແອນສ້າງບ່ອນຕັ້ງຖີ່ນຖານໃຫມ່ຢູ່ເຢລູຊາເລັມຕາເວັນອອກ.ເພາະວ່າການກະທຳແນວນີ້ຈະເພີ່ມຄວາມເຄັ່ງຕຶງລະຫວ່າງອິສລາແອນກັບປາເລັສຕິນຂຶ້ນອີກ.
ທ່ານອາມ ມູຊາ ເລຂາທິການໃຫຍ່ສັນນິບາດອາລັບຊີ້ອອກວ່າ, ການກະທຳຂອງອິສລາແອນທີ່ສ້າງບ່ອນຕັ້ງຖີ່ນຖານຢືນຢັນວ່າເຂົາບໍ່ມີຄວາມຈິງໃຈໃນການເຈລະຈາສັນຕິພາບ.
|
|
|
