|
ທ່ານເຈຍຊິ້ງລິນຫວັງໃຫ້ການປຶກສາຫາລືລະຫວ່າງສະມາຄົມການພົວພັນສອງຝັ່ງຊ່ອງແຄບແຜ່ນດິນໃຫຍ່ຈີນກັບກອງທຶນແລກປ່ຽນລະຫວ່າງສອງຝັ່ງຊ່ອງແຄບໄຕ້ຫວັນສາມາດແກ້ໄຂບັນຫາທີ່ພີ່ນ້ອງຮ່ວມຊາດສອງຝັ່ງຊ່ອງແຄບເອົາໃຈໃສ່ນຳກັນ
cri
ຕາມຂ່າວCRI, ວັນທີ3ມິຖຸນານີ້, ຢູ່ປັກກິ່ງ, ທ່ານເຈຍຊິ້ງລິນ ປະທານສະພາປຶກສາການເມືອງປະຊາຊົນຈີນກ່າວວ່າ, ຫວັງໃຫ້ການປຶກສາຫາລືກັນລະຫວ່າງສະມາຄົມການພົວພັນສອງຝັ່ງຊ່ອງແຄບແຜ່ນດິນໃຫຍ່ຈີນກັບກອງທຶນແລກປ່ຽນລະຫວ່າງສອງຝັ່ງຊ່ອງແຄບໄຕ້ຫວັນດຳເນີນຈາກງ່າຍໄປຫາຍາກ, ເຈລະຈາເສດຖະກິດກ່ອນສຳລັບທາງການເມືອງ, ດຳເນີນໄປເທື່ອລະກ້າວ, ແກ້ໄຂບັນຫາທີ່ພີ່ນ້ອງຮ່ວມຊາດສອງຝັ່ງເອົາໃຈໃສ່ນຳກັນນັ້ນຢ່າງແທ້ຈິງ, ຊຸກຍູ້ການເຈລະຈາລະຫວ່າງສອງຝັ່ງໃຫ້ຄືບໜ້າຂະຫຍາຍຕົວຢ່າງບໍ່ຢຸດຢັ້ງ.
ທ່ານເຈຍຊິ້ງລິນແມ່ນໃຫ້ທັດສະນະດັ່ງກ່າວໃນກອງປະຊຸມຜູ້ແທນເທື່ອທຳອິດຂອງສະພາມົນຕີສະໄໝທີສອງຂອງສະມາຄົມການພົວພັນສອງຝັ່ງຊ່ອງແຄບແຜ່ນດິນໃຫຍ່ທີ່ຈັດຂຶ້ນໃນວັນທີ3ມິຖຸນານີ້.
ທ່ານວາງອີ້ ຫົວໜ້າຫ້ອງການວຽກງານໄຕ້ຫວັນຂອງສູນກາງພັກຄອມມູນິດຈີນ ຫົວໜ້າຫ້ອງການວຽກງານໄຕ້ຫວັນຂອງຄະນະລັດຖະບານຈີນໄດ້ເຂົ້າຮ່ວມກອງປະຊຸມແລະກ່າວຄຳປາໄສ. ທ່ານວາງອີ້ກ່າວວ່າ, ຫ້ອງການວຽກງານໄຕ້ຫວັນຂອງສູນກາງພັກຄອມມູນິດຈີນແລະຄະນະລັດຖະບານຈີນຈະສະໜັບສະໜູນວຽກງານຂອງສະມາຄົມການພົວພັນສອງຝັ່ງຊ່ອງແຄບຄືທີ່ໄດ້ເຮັດຜ່ານມາ.
|
|
