|
|
 |
| (GMT+08:00)
2008-06-03 16:41:21
|
 |
|
ລັດຖະມົນຕີວ່າການກະຊວງມະຫາດໄທຂອງໄທກ່າວວ່າທ່ານສະໝັກຈະບໍ່ລາອອກຈາກຕຳແໜ່ງຫຼືຍຸບສະພາ
cri
Author: d
ຕາມຂ່າວສານຊິນຮວາ: ວັນທີ2ມິຖຸນານີ້ ທ່ານສະເຫຼີມ ຢູ່ບຳລຸງ ລັດຖະມົນຕີວ່າການກະຊວງມະຫາດໄທຂອງໄທກ່າວວ່າ,ເຖິງວ່າໃນຫຼາຍມື້ມານີ້ ຢູ່ໃຈກາງ ນະຄອນຫຼວງບາງກອກມີການໂຮມຊຸມນຸມຕໍ່ຕ້ານລັດຖະບານກໍ່ຕາມ,ແຕ່ທ່ານສະໝັກ ສຸນທໍລະເວດ ນາຍົກລັດຖະມົນຕີໄທຈະບໍ່ລາອອກຈາກຕຳແໜ່ງຫຼືຍຸບສະພາເພື່ອແກ້ໄຂວິກິດການການເມືອງໃນປະຈຸບັນນີ້.
ມື້ດຽວກັນ ໃນເວລາຕອບຄຳຖາມຂອງນັກຂ່າວ ທ່ານສະເຫຼີມກ່າວວ່າ,ທ່ານສະໝັກຈະບໍ່ເສຍຄວາມໝັ້ນໃຈຍ້ອນການໂຮມຊຸມນຸມຂອງສະຫະພັນປະຊາທິປະໄຕປະຊາຊົນ,ແລະກໍ່ຈະບໍ່ລາອອກຈາກຕຳແໜ່ງຫຼືຍຸບສະພາເພື່ອຈັດການເລືອກຕັ້ງຄືນໃໝ່ເພື່ອແກ້ໄຂວິກິດການການເມືອງໃນປະຈຸບັນນີ້.ທ່ານຍັງກ່າວວ່າ,ປະຈຸບັນ ທ່ານສະໝັກຈະບໍ່ໃຊ້ທະຫານຂັບໄລ່ຜູ່ປະທ້ວງ.
ໃນຫຼາຍມື້ມານີ້ ສະມາຊິກສະຫະພັນປະຊາທິປະໄຕປະຊາຊົນໄດ້ຈັດການໂຮມຊຸມນຸມຕໍ່ຕ້ານລັດຖະບານຢ່າງຂະໜາດໃຫຍ່ຢູ່ບາງກອກ,ເພື່ອຮຽກຮ້ອງໃຫ້ລັດຖະບານສະໝັກລາອອກ.
|
|
|
