|
ຕາມຂ່າວສານຊິນຮວາ: ວັນທີ2ມິຖຸນານີ້, ກອງເລຂາຄະນະກຳມະການການຮ່ວມມືອ່າວເປີເຊຍໄດ້ອອກຖະແຫຼງການຢູ່ ເມືອງຣີຢັດ ນະຄອນຫຼວງອາຣັບບີ ຊາອຸດິດ, ກ່າວປະນາມເຫດການລະເບີດທີ່ແນໃສ່ສະຖານທູດດານມາກປະຈຳປາກິສະຖານ ທີ່ເກີດຂຶ້ນຢູ່ ອິດສະລາມາບັດ ນະຄອນຫຼວງປາກິສະຖານໃນຕອນເຊົ້າມື້ດຽກກັນ.
ຖະແຫຼງການສະບັບນີ້ຂຽນວ່າ, ເຫດການໂຈມຕີເທື່ອນີ້ແມ່ນ"ການກະທຳບໍ່ມີສິນທຳທີ່ລະເມີດມະນຸດສະທຳ". ຖະແຫຼງການກ່າວເນັ້ນວ່າ, ຄະນະກຳມະການການຮ່ວມມືອ່າວເປີເຊຍຍຶດໝັ້ນ ຫຼັກການຄັດຄ້ານລັດທິກໍ່ການຮ້າຍທຸກຮູບແບບ, ຮຽກຮ້ອງໃຫ້ເຄົາລົບສິດທິມະນຸດ ແລະ ນ້ຳໃຈມະນຸດສະທຳ, ແຕ່ກໍ່ກ່າວເນັ້ນວ່າ ບໍ່ຄວນໃຫ້ລັດທິກໍ່ການຮ້າຍ ມາກ່ຽວຂ້ອງກັບ ສາດສະໜາ ແລະ ປະຊາຊົນ.
ຕອນທ້າຍຂອງຖະແຫຼງການຍັງສະແດງຄວາມເຫັນໃຈຕໍ່ຄອບຄົວຂອງຜູ່ເສຍຊີວິດ ແລະ ຜູ່ບາດເຈັບໃນເຫດການລະເບີດ.
|
