|
ໃນໄລຍະງານກິລາໂອລິມປິກ,ນະຄອນປັກກິ່ງຈະບໍ່ຂຶ້ນລາຄາສິນຄ້າ
cri
Author: shuo
ຕາມຂ່າວສານຊິນຮວາ:ໃນໄລຍະງານກິລາໂອລິມປິກ,ນະຄອນປັກກິ່ງຈະຕິດຕາມຄວບຄຸມລາຄາສິນຄ້າ,ເຮັດໃຫ້ຕະຫຼາດໝັ້ນທ່ຽງ,ຖ້າວ່າບໍ່ເກີດເລື່ອງສຸດວິໄສ,ກໍ່ຈະ ບໍ່ປະກາດຂຶ້ນລາຄາໃໝ່.
ວັນທີ16ກໍລະກົດນີ້,ອົງການປົກຄອງນະຄອນປັກກິ່ງປະກາດແຜນການຄຸ້ມຄອງຕົວເມືອງປັກກິ່ງໃນໄລຍະງານກິລາໂອລິມປິກແລະງານກິລາໂອລິມປິກຄົນພິການປັກກິ່ງ.ແຕ່ວັນທີ1ມິຖຸນາແລ້ວນີ້ໄປຫາວັນທີ8ຕຸລາ2008,ນະຄອນປັກກິ່ງຈະເລີ່ມໃຊ້ລະບົບບັນຊາການຂອງງານກິລາໂອລິມປິກ.
ອີງຕາມແຜນການ,ໃນໄລຍະງານກິລາໂອລິມປິກ,ປັກກິ່ງຈະເພີ່ມທະວີການຕິດ ຕາມກວດກາຕໍ່ລາຄາສິນຄ້າໃນຕະຫຼາດຂາຍຍົກ ຕະຫຼາດຂາຍຜະລິດຕະພັນກະສິກຳ ຊູເປີມາເກັດ ພ້ອມດ້ວຍລາຄາຂອງສິນຄ້າແລະການບໍລິການຈຳນວນໜຶ່ງທີ່ມີການພົວພັນກັບງານກິລາໂອລິມປິກ ຮັບປະກັນການສະໜອງເຄື່ອງກິນປະຈຳວັນ ເຊັ່ນ ເຂົ້າ ນ້ຳມັນພືດ ຜັກ ຊີ້ນ ໄຂ່ແລະນົມເປັນຕົ້ນ.
|
|
