|
|
(GMT+08:00)
2008-08-06 17:42:49
|
|
ທວນໄຟໂອລິມປິກສ້າງຄວາມກະຕືລືລົ້ນແລະສົ່ງຕໍ່ຄວາມໄຝ່ຝັນ
cri
ພາຍຫຼັງໄດ້ສຳເລັດການສົ່ງຕໍ່ຢູ່19ຕົວເມືອງຂອງ5ທະວີບທົ່ວໂລກແລະ100ກວ່າຕົວເມືອງຂອງຈີນແລ້ວ, ວັນທີ6ສິງຫານີ້, ທວນໄຟໂອລິມປິກປັກກິ່ງໄດ້ມາຮອດປັກກິ່ງ ນະຄອນຫຼວງຂອງຈີນ ເຊິ່ງເປັນເຈົ້າພາບຈັດງານໂອລິມປິກຄັ້ງນີ້ໃນທີ່ສຸດ. ການສົ່ງຕໍ່ທວນໄຟໄດ້ສົ່ງເສີມນ້ຳໃຈໂອລິມປິກ, ເພີ່ມທະວີການແລກປ່ຽນແລະຄວາມເຂົ້າໃຈກັນລະຫວ່າງຈີນກັບໂລກ, ເຮັດໃຫ້ປະຊາຊົນຂອງປະເທດທີ່ສົ່ງຕໍ່ທວນໄຟນັ້ນບັນລຸຄວາມໄຝ່ຝັນທີ່ເຂົ້າຮ່ວມງານໂອລິມປິກ.
ການສົ່ງຕໍ່ທວນໄຟໂອລິມປິກແມ່ນພາກສ່ວນໜຶ່ງກ່ອນງານໂອລິມປິກ, ແມ່ນການເຄື່ອງໄຫວໂອລິມປິກທີ່ສຳຄັນທີສອງເຊິ່ງຖັດຈາກງານໂອລິມປິກ. ໄຟສັກສິດໂອລິມປິກແລະທວນໄຟໂອລິມປິກແມ່ນສັນຍະລັກພິເສດທີ່ໃຫ້ປະຊາຊົນຢູ່ປະເທດຕ່າງໆ, ໃຊ້ພາສາຕ່າງກັນ, ມີຄວາມເຊື່ອຖືຕ່າງກັນແລະເປັນເຊື້ອຊາດຕ່າງກັນນັ້ນພ້ອມກັນສະແຫວງຫາລະດັບສຸດຍອດດ້ານກິລາແລະສັນຕິພາບຂອງໂລກ.
ເມືອງດາໄລສຊາລາມຂອງຕັງຊານີແມ່ນຕົວເມືອງອາຟຼິກາພຽງແຫ່ງດຽວທີ່ເຂົ້າຮ່ວມການສົ່ງຕໍ່ທວນໄຟເທື່ອນີ້. ຜູ້ອຳນວຍການໃຫຍ່ດ້ານກິລາຂອງກະຊວງຂໍ້ມູນຂ່າວສານ, ວັດທະນະທຳແລະກິລາຕັງຊານີເຂົ້າໃຈຄວາມໝາຍແຫ່ງການສົ່ງຕໍ່ທວນໄຟໂອລິມປິກດັ່ງນີ້:
ທວນໄຟໂອລິມປິກຮຽກຮ້ອງໃຫ້ບັນລຸສັນຕິພາບ, ອົດທົນແລະຮັກແພງກັນ, ໄດ້ສ່ອງຂໍ້ມູນຂ່າວສານຕໍ່ຊາວໂລກດັ່ງນີ້: ໂລກນີ້ບໍ່ຕ້ອງການສົງຄາມ, ບໍ່ຕ້ອງການການແບ່ງແຍກ, ບໍ່ຕ້ອງການຄວາມປັ່ນປ່ວນ, ໂລກຄວນເປັນຄອບຄົວແຫ່ງສັນຕິພາບແລະຮັກແພງກັນຂອງມວນມະນຸດ.
ການສົ່ງຕໍ່ທວນໄຟຍັງໄດ້ເພີ່ມຄວາມເຂົ້າໃຈແລະມິດຕະພາບລະຫວ່າງຈີນກັບຫຼາຍປະເທດໃນໂລກ, ຜູ້ທີ່ເຈດຕະນາຂັດຂວາງການສົ່ງຕໍ່ທວນໄຟນັ້ນຖືກຊາວໂລກພ້ອມກັນກ່າວປະນາມ. ເມື່ອທວນໄຟໄດ້ສົ່ງຕໍ່ຢູ່ເມືອງຊັນຟຼັນຊີສໂກ, ປະຊາຊົນອາເມລິກາຄົນໜຶ່ງເວົ້າວ່າ:
ເລື່ອງສຳຄັນທີ່ສຸດຂອງງານໂອລິມປິກກໍແມ່ນມິດຕະພາບທົ່ວໂລກ, ຜ່ານຈາກງານໂອລິມປິກໄປມາຫາສູ່ກັນ, ຫາກບໍ່ແມ່ນຜ່ານຈາກສົງຄາມຫຼືເຫດການປະທ້ວງ.
ການສົ່ງຕໍ່ທວນໄຟໂອລິມປິກເຮັດໃຫ້ປະຊາຊົນທີ່ສົ່ງຕໍ່ທວນໄຟນັ້ນສາມາດສຳຜັດສະເໜຂອງໂອລິມປິກຢ່າງຮອບດ້ານ, ແລະກໍເຮັດໃຫ້ປະເທດສົ່ງຕໍ່ທວນໄຟ, ໂດຍສະເພາະແມ່ນຕົວເມືອງທີ່ສົ່ງຕໍ່ທວນໄຟເຫຼົ່ານີ້ມີໂອກາດສະແດງຕົນເອງຕໍ່ໂລກ.
ການສົ່ງຕໍ່ທວນໄຟຍັງເຮັດໃຫ້ຊາວໂລກສຳຜັດຄວາມກະຕືລືລົ້ນຂອງເຈົ້າພາບຈັດງານໂອລິມປິກ, ໄດ້ຮັບຮູ້ຄວາມຕັດສິນໃຈຂອງຈີນໃນເມື່ອທີ່ຈີນຂໍເປັນເຈົ້າພາບ, ວັນທີ8ພຶດສະພາ2008, ທວນໄຟໂອລິມປິກໄດ້ປີນຂຶ້ນຮອດຈອມພູຈູມູລັງມາ ເຊິ່ງເປັນຈອມພູສູງສຸດໃນໂລກ. ການສົ່ງຕໍ່ທວນໄຟບໍ່ພຽງແຕ່ໄດ້ສ້າງຄວາມກະຕືລືລົ້ນໃຫ້ແກ່ຊາວຈີນເທົ່ານັ້ນ, ຍັງໄດ້ເຮັດໃຫ້ຊາວຈີນມີຄວາມເຂົ້າໃຈເລິກເຊິ່ງກວ່າເກົ່າຕໍ່ນ້ຳໃຈໂອລິມປິກ. ການສົ່ງຕໍ່ທວນໄຟທີ່ຍືດເຍືອເປັນເວລາ4ເດືອນປາຍ, ໄດ້ຝັງນ້ຳໃຈໂອລິມປິກທີ່ເປັນສັນຍະລັກໃຫ້ແກ່ສັນຕິພາບແລະມິດຕະພາບຢູ່ໃນດວງໃຈຂອງປະຊາຊົນຈີນທັງປວງ. 8ໂມງເຊົ້າວັນທີ6ສິງຫານີ້, ທວນໄຟໂອລິມປິກເລີ່ມການສົ່ງຕໍ່ຢູ່ນະຄອນຫຼວງປັກກິ່ງ, ທ່ານຢາງລີ້ເວ ນັກບິນອະວະກາດຜູ້ທຳອິດຂອງຈີນໄດ້ສົ່ງຕໍ່ທວນໄຟຄົນທຳອິດຢູ່ປັກກິ່ງ. ພ້ອມກັນນັ້ນ, ຂະນະທີ່ກະຕຸ້ນໃຈຄົນດັ່ງກ່າວກໍເປັນຂີດໝາຍສະແດງໃຫ້ເຫັນວ່າງານໂອລິມປິກປັກກິ່ງ2008ໄດ້ເປີດສາກຢ່າງເປັນທາງການແລ້ວ.
|
|
|