ຕາມ​ຂ່າ​ວສານ​ຊິນ​ຮວາ:ວັນ​ທີ6​ສິງ​ຫາ​ນີ້,ທ່ານ​ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ກ່າວ​ວ່າ,​ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຂອງ​ກຳປູ​ເຈຍ​ແລະ​ໄທ​ມີ​ແຜນ​ຈະ​ຈັດ ການ​ເຈລະຈາ​ຮອບ​ທີ​ສອງ​ຢູ່​ໄທ​ໃນ​ວັນ​ທີ​18​ສິງ​ຫາ​ນີ້,​ເພື່ອ​ສະ​​ແຫ​ວງ​ຫາ​ວິທີ​ແກ້​ໄຂ​ຄວາມ​ຂັດ​ແຍ່ງກັນ​ຢູ່​ເຂດ​ຊາຍ​ແດນ​ສອງ​ປະ​ເທດ​ໂດຍ​ສັນຕິ.

ທ່ານ​ຮຸນ​ແຊນ​ກ່າວ​ວ່າ,ທ່ານ​ໂຮ ນາມ​ຮົນ ຮອງ​ນາຍົກ​ທັງ​ເປັນ​ລັດຖະມົນຕີ​ວ່າການ​ກະ​ຊວງ​ການ​ຕ່າງ​ປະ​ເທດ​ກຳ​ປູ​ເຈຍ​ຈະ​ປຶກ​ສາ​ຫາ​ລື​ກັບ​ທ່ານ​ເຕດ ບຸນນາກ ລັດ​ຖະ​ມົນ​ຕີ​ວ່າ​ການ​ກະ​ຊວງ​ການ​ຕ່າງ​ປະ​ເທດ​ຜູ້​ໃໝ່​ຂອງ​ໄທ,​ເນື້ອ​​ໃນ​ການ​ປຶກ​ສາ​ຫາ​ລື​ຈະ​ກ່ຽວ​ພັນ​ເຖິງ​ເລື່ອງ​ທີ່​ກອງ​ທະ​ຫານ​ຂອງ​ໄທ​ຖອນ​ອອກ​ຈາກ​ເຂດ​ໃກ້​ຜາ​ສາດ​ພະ​ວິ​ຫານ​ແລະ​ຜາ​ສາດ​ຕາ ​ໂມ​ອັນ ທົມ.

ປະຈຸ​ບັນ​ນີ້,ຢູ່​​ເສັ້ນຊາຍ​ແດນ​ກຳ​ປູ​​ເຈ​ຍກັບ​ໄທທີ່​ຍາວ​ປະມານ800​ກິ​ໂລ​ແມັດ​ນັ້ນ,​ມີ​ຫຼັກ​ໝາຍ​ຊາຍ​ແດນ​73​ໜ່ວຍ​ທໍ່​ນັ້ນ,​ນອກ​ນັ້ນ​ໄດ້​ເສຍໄປ​ແລ້ວ,​ຕ້ອງ​ຕັ້ງ​ຄືນ​ໃໝ່.​ທ່ານ​ຮຸນ​ແຊນ​ເຫັນ​ວ່າ,​ເມື່ອ​ກອງ​ທະ​ຫານ​ສອງ​ປະ​ເທດ​ລ້ວນ​ແຕ່​ຖອນ​ກັບ​ຄືນ​ຮອດ​ທີ່​ປະ​ຈຳ​ກ່ອນ​ວັນ​ທີ15​ກໍ​ລະ​ກົດ​​ແລ້ວ​ນີ້​ແລ້ວ,​ສອງ​ຝ່າຍ​ຈຶ່ງ​ສາ​ມາດ​ແທກ​ດິນ​ແລະ​ຕັ້ງ​ຫຼັກ​ໝາຍ​ຊາຍ​ແດນ.