ຕາມຂ່າວຈາກໜັງສືພິມປະຊາຊົນລາຍວັນ:ວັນທີ7ສິງຫານີ້,ໃນກອງປະຊຸມຂ່າວທີ່ຈັດຂຶ້ນຢູ່ສູນຖະແຫຼງຂ່າວຫຼັກຂອງງານກິລາໂອລິມປິກ,ທ່ານຊາກ ໂຣເກີ ປະທານຄະນະກຳມະການໂອລິມປິກສາກົນກ່າວວ່າ,ງານກິລາໂອລິມປິກເຮັດໃຫ້ຈີນດີກວ່າເກົ່າ,ແລະກໍ່ຈະເຮັດໃຫ້ໂລກເຂົ້າໃຈຈີນຍິ່ງດີກວ່າເກົ່າ.
ທ່ານໂຣເກກ່າວວ່າ,ເວົ້າສຳລັບປະຊາຊົນຂອງປະເທດສ່ວນຫຼາຍໃນໂລກແລ້ວ,ຈີນຍັງແມ່ນປະເທດທີ່ເລິກລັບໜ້ອຍໜຶ່ງ.ງານກິລາໂອລິມປິກປັກກິ່ງຈະໃຫ້ປະຊາຊົນປະເທດຕ່າງໆໃນໂລກເຫັນປະເທດທີ່ດີເດັ່ນທີ່ສຸດ,ເຫັນມູນເຊື້ອແລະວັດທະນະທຳທີ່ມີປະຫວັດສາດຫ້າພັນປີຂອງຈີນ,ນີ້ຈະເຮັດໃຫ້ໂລກປ່ຽນແປງທັດສະນະທີ່ມີຕໍ່ຈີນ,ນີ້ເວົ້າສຳລັບປະຊາຊົນປະເທດອື່ນແລ້ວກໍ່ມີຄວາມໝາຍສຳຄັນເຊັ່ນດຽວກັນ.
ທ່ານໂຣເກໄດ້ຕີລາຄາສູງຕໍ່ວຽກງານກະກຽມງານກິລາໂອລິມປິກປັກກິ່ງ,ແລະຍ້ອງຍໍສັນລະເສີນຄວາມພະຍາຍາມຂອງລັດຖະບານຈີນໃນການປັບປຸງມົນລະພິດສິ່ງແວດລ້ອມ.ທ່ານກ່າວວ່າ,ລັດຖະບານຈີນໄດ້ໃຊ້ມາດຕະການໝົດທຸກຢ່າງທີ່ອາດເປັນໄປໄດ້ແລະທັງເອົາໃຈໃສ່ນຳຄົນ,ຄວາມພະຍາຍາມຂອງລັດຖະບານຈີນເລີດລ້ຳທີ່ສຸດ,ດຽວນີ້,ສິ່ງແວດລ້ອມຂອງປັກກິ່ງແມ່ນປອດໄພຕໍ່ນັກກິລາ.
|