|
ຕາມຂ່າວCRI:ວັນທີ9ສິງຫານີ້,ຢູ່ປັກກິ່ງ,ທ່ານຫູຈິນທ່າວ ປະທານປະເທດຈີນໄດ້ພົບກັບທ່ານອິສ ລາມ ຄາຣີມົຟ ປະທານາທິບໍດີອຸສເບກກີສະຖານທີ່ມາເຂົ້າຮ່ວມພິທີໄຂງານກິລາໂອລິມປິກປັກກິ່ງ.
ທ່ານຫູຈິນທ່າວກ່າວວ່າ,ການພົວພັນຈີນອຸສເບກກີສະຖານຂະຫຍາຍຕົວຢ່າງສືບເນື່ອງແລະວ່ອງໄວ.ສອງຝ່າຍເຂົ້າໃຈເຊິ່ງກັນແລະກັນແລະສະໜັບສະໜູນເຊິ່ງກັນແລະກັນໃນບັນຫາສຳຄັນຈຳນວນໜຶ່ງ,ແລະໄດ້ຮັບໝາກຜົນການຮ່ວມມືຢ່າງເດັ່ນຊັດໃນຂົງເຂດຕ່າງໆ ຄື ເສດຖະກິດການຄ້າ ພະລັງງານແລະວັດທະນະທຳເປັນຕົ້ນ.ຈີນຍິນດີສືບຕໍ່ຮ່ວມມືກັບອຸສເບກກີສະຖານຢ່າງແໜ້ນແຟ້ນ.
ທ່ານຄາຣີມົຟກ່າວວ່າ,ປະຊາຊົນອຸສເບກກີສະຖານຈະບໍ່ລືມການສະໜັບສະໜູນແລະຊ່ວຍເຫຼືອຂອງປະຊາຊົນຈີນ.ອຸສເບກກີສະຖານຫວັງຂະຫຍາຍການຮ່ວມມືທີ່ຕິດແທດຕົວຈິງກັບຈີນໃນຂົງເຂດຕ່າງໆ,ຍຶດໝັ້ນສະໜັບສະໜູນຄວາມພະຍາຍາມຂອງຈີນທີ່ປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຊາດ,ຈະສືບຕໍ່ຮ່ວມມືກັບຈີນເພື່ອໂຈມຕີອິດທິກຳລັງສາມດ້ານ ເຊັ່ນ ອິດທິກຳລັງກໍ່ການຮ້າຍດ້ວຍກຳລັງຮຸນແຮງ ອິດທິກຳລັງແບ່ງແຍກປະເທດຊາດແລະອິດທິກຳລັງຫົວຮຸນແຮງຂອງສາສະໜາ.
|
