|
ສື່ມວນຊົນອິນເດຍຕີລາຄາສູງຕໍ່ນັກກິລາຍິງປືນຂອງອິນເດຍຊິງໄດ້ຫຼຽນຄຳຫຼຽນທຳອິດຂອງອິນເດຍໃນລາຍການແຂ່ງຂັນສ່ວນບຸກຄົນຂອງງານໂອລິມປິກ
cri
ຕາມຂ່າວCRI, ໃນການແຂ່ງຂັນຮອບຊິງຊະນະເລີດປືນຍາວອັດລົມ10ແມັດເພດຊາຍຂອງໂອລິມປິກປັກກິ່ງທີ່ຈັດຂຶ້ນໃນວັນທີ11ສິງຫານີ້, ທ້າວອາບີນັຟ ບິນດຼາ ນັກກິລາຍິງປືນອິນເດຍຊິງໄດ້ຫຼຽນຄຳດ້ວຍຜົນງານ700,5ແຕ້ມ, ຍາດໄດ້ຫຼຽນຄຳໂອລິມປິກລາຍການແຂ່ງຂັນສ່ວນບຸກຄົນຫຼຽນທຳອິດໃນປະຫວັດໂອລິມປິກຂອງອິນເດຍ. ວັນທີ12ສິງຫານີ້, ສື່ມວນຊົນສຳຄັນຕ່າງໆຂອງອິນເດຍໄດ້ພິມບົດຄວາມຕີລາຄາສູງຕໍ່ຜົນງານຄັ້ງປະຫວັດການດັ່ງກ່າວ.
ໜັງສືພິມເດີ ໄທມສ ໂອຟ ອິນເດຍ ພິມບົດຄວາມຢູ່ໜ້າທຳອິດ, ໃຊ້ຄຳສັບທີ່ເຕັມໄປດ້ວຍຄວາມກະຕືລືລົ້ນບັນຍາຍເວລາຄັ້ງປະຫວັດການດັ່ງກ່າວຂອງທ້າວອາບີນັຟ.
ບົດຄວາມຂອງໜັງສືພິມເດີ ຮິນດູ ຊີ້ອອກວ່າ, ນີ້ແມ່ນນັກກິລາອິນເດຍຊິງໄດ້ຫຼຽນລາງວັນສ່ວນບຸກຄົນຫຼຽນທີ5ໃນປະຫວັດງານໂອລິມປິກ, ພັດແມ່ນຫຼຽນຄຳໂອລິມປິກສ່ວນບຸກຄົນຫຼຽນທຳອິດ. ເພື່ອຫຼຽນຄຳຫຼຽນນີ້, ອິນເດຍໄດ້ລໍຖ້າດົນໂພດແລ້ວ, ປະຊາຊົນທົ່ວປະເທດອິນເດຍລ້ວນແຕ່ພາກພູມໃຈເພື່ອເລື່ອງນີ້.
ພາຍຫຼັງທ້າວອາບີນັຟຊິງໄດ້ຫຼຽນຄຳແລ້ວ, ປະທານາທິບໍດີແລະນາຍົກລັດຖະມົນຕີອິນເດຍກໍໄດ້ພາກັນກ່າວຄຳປາໄສສະແດງຄວາມຊົມເຊີຍເພິ່ນ.
|
|
