|
|
 |
| (GMT+08:00)
2008-08-12 18:59:17
|
 |
|
ການແຂ່ງຂັນງານໂອລິມປິກປັກກິ່ງໄດ້ເຂົ້າສູ່ມື້ທີ4 ຫຼຽນຄຳ12ຫຼຽນມີເຈົ້າຂອງແລ້ວ
cri
ຕາມຂ່າວCRI, ວັນທີ12ສິງຫານີ້, ການແຂ່ງຂັນງານໂອລິມປິກປັກກິ່ງໄດ້ເຂົ້າສູ່ມື້ທີ4, ຈະຊິງເອົາຫຼຽນຄຳ19ຫຼຽນ. ນັບມື້ຮອດ18ໂມງເວລາປັກກິ່ງ, ຫຼຽນຄຳ12ຫຼຽນມີເຈົ້າຂອງແລ້ວ.
ຕອນເຊົ້າວັນທີ12ສິງຫານີ້, ທິມກາຍຍະກຳເພດຊາຍຈີນຊິງໄດ້ຫຼຽນຄຳໝູ່ຄະນະເພດຊາຍໂອລິມປິກທີ່ເສຍໄປ4ປີ. ທິມຍີ່ປຸ່ນ ແຊມປຽນໂອລິມປິກອາແຕນເປັນທີສອງ, ທິມອາເມລິກາເປັນທີສາມ.
ໃນການແຂ່ງຂັນລອຍຂວ້ຳ200ແມັດຮອບຊະນະເລີດ, ທ້າວຟິວພສ໌ ນັກກິລາອາເມລິກາຊິງໄດ້ຫຼຽນຄຳ, ແລະທຳລາຍສະຖິຕິໂລກ. ນີ້ແມ່ນທ້າວຟິວພສຼຊິງໄດ້ຫຼຽນຄຳຫຼຽນທີສາມໃນງານໂອລິມປິກຄັ້ງນີ້.
ໃນການແຂ່ງຂັນລອຍຫງາຍເພດຊາຍຮອບຊະນະເລີດ, ທ້າວເປໂຊ ອາຣອນ ນັກກິລາອາເມລິກາຊິງໄດ້ຫຼຽນຄຳ, ແລະທຳລາຍສະຖິຕິໂລກ.
ໃນການແຂ່ງຂັນປືນສັ້ນຍິງຊ້າ50ແມັດເພດຊາຍຮອບຊະນະເລີດ, ທ້າວຈິນຈົງໂອ ນັກກິລາສາທາລະນະລັດເກົາຫຼີຊິງໄດ້ຫຼຽນຄຳ, ທ້າວກິມຈົງຊູ ນັກກິລາສປປເກົາຫຼີຊິງໄດ້ຫຼຽນເງິນ, ທ້າວຖານຈົ່ງລ້ຽງ ນັກກິລາອາວຸໂສຂອງຈີນທີ່ເຂົ້າຮ່ວມງານໂອລິມປິກ4ຄັ້ງຊິງໄດ້ຫຼຽນທອງ.
ໃນການແຂ່ງຂັນໂດດນ້ຳເທິງແທ່ນ10ແມັດເພດຍິງຄູ່ຮອບຊະນະເລີດ, ນາງວາງຊິນແລະນາງເສິນໂຢ້ລິນ ນັກກິລາຈີນຊິງໄດ້ຫຼຽນຄຳ. ນີ້ແມ່ນທິມໂດດນ້ຳຈີນຊິງໄດ້ຫຼຽນຄຳດັ່ງກ່າວໃນງານໂອລິມປິກເປັນ3ຄັ້ງລຽນຕິດ, ກໍແມ່ນຫຼຽນຄຳໂດດນ້ຳຫຼຽນທີສາມຂອງທິມຈີນໃນງານໂອລິມປິກຄັ້ງນີ້.
ໃນການແຂ່ງຂັນຍິງສອງຈານບິນືຫຼາຍທິດເພດຊາຍ, ທ້າວແອເລີ ໂວນຕັນ ນັກກິລາອາເມລິກາຊິງໄດ້ຫຼຽນຄຳ, ແລະທຳລາຍສະຖິຕິງານໂອລິມປິກ.
ໃນການຍົກນ້ຳໜັກເພດຍິງລຸ້ນ63ກິໂລ, ນາງປັກຮຽນຊຸນ ນັກກິລາສປປເກົາຫຼີຊິງໄດ້ຫຼຽນຄຳ.
ໃນການແຂ່ງຂັນເຮືອກາໂນກາຍັກວິບາກເພດຊາຍດຽວ, ທ້າວມາທີຄານ ມີຄານ ນັກກິລາຊື່ດັງສໂລວາກີຊິງໄດ້ຫຼຽນຄຳອີກເທື່ອໜຶ່ງພາຍຫຼັງລາວຊິງໄດ້ຫຼຽນຄຳໃນງານໂອລິມປິກອັດລັງຕາປີ1996. ທ້າວອາເລັກຊັນເດີ ກຼິມ ນັກກິລາເຢຍລະມັນຊິງໄດ້ແຊມປຽນໃນການແຂ່ງຂັນເຮືອກາໂນກາຍັກສີພາຍດຽວ.
ໃນການແຂ່ງຂັນມວຍປ້ຳບູຮານເພດຊາຍລຸ້ນ55ກິໂລຮອບຊະນະເລີດ, ທ້າວມານຄຽກ ນັກກິລາຣັດເຊຍຊິງໄດ້ແຊມປຽນ.
ປະຈຸບັນ, ຈີນ, ອາເມລິກາແລະສາທາລະນະລັດເກົາຫຼີໄດ້ເປັນທີ1ຫາທີ3ໃນການລຽງລຳດັບຫຼຽນລາງວັນ, ໄທຊິງໄດ້ຫຼຽນຄຳ1ຫຼຽນ, ເປັນທີ13, ຫວຽດນາມຊິງໄດ້ຫຼຽນເງິນ1ຫຼຽນເປັນທີ23, ອິນໂດເນເຊຍຊິງໄດ້ຫຼຽນທອງ2ຫຼຽນເປັນທີ31.
|
|
|
